Saray Bilang 18:10 - Maung A Balita Biblia

¹⁰ Nepeg yo ran kanen ed masanton pasen, tan saray lalaki labat so nayarin mangan ed sikara; ipasen yon masanto ra.

Maung a Balita Biblia

¹⁰ Nepeg yo ran kanen ed masanton pasen, tan saray lalaki labat so nayarin mangan ed sikara; ipasen yon masanto ra.

Saray Bilang 18:10 Referans Kwoze

Levitico 7:6

Siopamay lakin kabyangan na pamilyay pari et nayarian toy mangan ed sayan bagat, balet nepeg a kanen ed sakey a masanton pasen, lapud masanton tuloy yan bagat.

Levitico 6:29

Siopamay lakin kabyangan na pamilyay pari et nayarian toy mangan ed sayan bagat; masanton tuloy yan bagat.

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 21:22

Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Levitico 14:13

Pateyen to may kordiro diad masanton pasen a panamateyan ed saray ayep ya ibagat para kasalanan tan saray ayep ya ibagat a popoolan. Nepeg to yan gawaen lapud say bagat a pambayar et kayaryan na pari tan masanton tuloy a singa bagat a para kasalanan.

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 10:13

Akan yod sakey a masanton pasen; sikato ya so betang yo tan saray lalakin anak yo ed bagat a popoolan ed Katawan. Sikato ya so ingganggan ed siak na Katawan.

Levitico 6:26

Say parin mangibagat ed samay ayep kanen tod masanton pasen, diad solar na Tuldan Ayamay Katawan.

Levitico 6:18

Diad amin a panaon ya onsabi siopaman ed saray lalakin kabyangay boleg nen Aaron et nayarin mangan ed saray akeraan ed bagat a trigo tan sikatoy betang da lawas ed saray bagat a popoolan ya insaklang ed Katawan. Siopamay arum a maniwit ed sayan bagat napasakitan na pakayari na inkasanto na bagat.

Saray Bilang 18:9

Diad saray sankasantosan a bagat ya ag ira poolan ed tapew na altar, saray onggendan so kayaryan yo: saray bagat a trigo, saray bagat a para kasalanan, saray bagat a pambayar. Amin a masanton nisaklang ed siak et kayaryan mo tan saray anak mo.

Saray Bilang 18:11

“Say kaaruman to ya et saray arum a nidoma-doman rigalon isaklang ed siak na saray Israelita; kayaryan yo met ira ya. Iter ko rad sika, saray anak mon lalaki tan bibii; iter ko rad sikayo anggan kapigan man. Nayarin kanen ira na amin a kabyangan na pamilyam no malinis ira onung ed ganggan.

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.