Saray Bilang 17:5 - Maung A Balita Biblia

⁵ Mansangad satan so baston na toon pinilik. Diad onya patondaen koy mabetbet a panririklamo da ray Israelita sumpad sika.”

Maung a Balita Biblia

⁵ Mansangad satan so baston na toon pinilik. Diad onya patondaen koy mabetbet a panririklamo da ray Israelita sumpad sika.

Saray Bilang 17:5 Referans Kwoze

Saray Bilang 16:5

Insan inkuantod kinen Core tan saramay kagampi to, “Nabwas na kabwasan say Katawan ipanengneng tod sikatayo no siopa ray kayaryan to; abuloyan to so siopaman a kayaryan to, salanti say pinili to, ya onsingger ed sikato ed altar.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Saray Bilang 17:8

Diad ontombuk ya agew, nen linmay Moises ed dalem na Tulda, anengneng ton nansanga may baston nen Aaron a mangilalaman na tribu nen Levi. Nansimit, nanrosas, tan nambunga na aloton almindras!

Saray Bilang 16:11

No manriklamo kayo a sumpad kinen Aaron, say Katawan a talaga so susumlangen yo, sika tan saray kagampim.”

Ezekiel 23:27

Patondaen koy pikakaloguran tan say makapabaing a gagawaen mo nanlapu la nen wala ka nid Egipto. Ag mo lan balut linggisen iray talintaoy diriyos odino nunoten so nipaakar ed Egipto.”

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Isaias 13:11

Say Katawan kuanto, “Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Saray Bilang 17:10

Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikato—on, sumpad sikato, ta susumpalen mi labat iray bilin to.”

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 17:6

Kanyan akisalitay Moises ed saray Israelita, et angiter ed sikato na baston na balang sakey ed saray pangulo ra, sakey so para balang tribu, labinduan amin, tan akilaok so baston nen Aaron.

Saray Salmo 105:26

Insan imbaki toy aripen ton si Moises, tan si Aaron a pinili to ra.

Saray Bilang 1:51

Kapag iyalis yoy kampo yo, saray Levita so mangyepas ed Tulda tan sikaray mangilira ed balon pankampoan yo. Likud ed sikara pateyen so siopaman ya onabay ed Tulda.

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.