Saray Bilang 17:10 - Maung A Balita Biblia

¹⁰ Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

Maung a Balita Biblia

¹⁰ Say Katawan kuantod kinen Moises, Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.

Saray Bilang 17:10 Referans Kwoze

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

TAGA-EFESO 5:6

Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

1 Samuel 30:22

Balet inkuan na saray maoges tan andi-kakanaan a totoon akilad kinen David, “Ag ira akilad sikatayo, kanyan ag ti ra itdan na antokaman ya asamsam. Alaen da labat iray kaasawaan da tan saray anak da tan onla la ra.”

1 Samuel 2:12

Maoges iray lalakin anak nen Eli. Ag da italtalek so Katawan

Deuteronomio 9:24

Nanlapu lad samay impikabat kod sikayo, susumlangen yo lay Katawan.

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Bilang 16:38

Nagmaliw iran masanto nen niapay ira ed altar na Katawan. Kanyan alam ira may pananginay insinso a kayaryan na saramay totoon inaatey lapud kasalanan da, pitpit mo ra tan gawam iran okup na altar. Sikatoy sakey a pasakbay ed saray totood Israel.”

Exodo 16:32

Inkuanen Moises, “Say Katawan ingganggan to a mangisinup itayo na pigaran mana a para saray mantombuk a kabyangay boleg tayo, pian nanengneng da so kakanen ya inter tod sikatayod kalawakan nen impaway to itayod Egipto.”

Oseas 10:9

Say Katawan kuanto, “Ag tinmondan mankakasalanan iray totook ya Israelita nanlapu lad samay impankasalanan dad Gabaa. Kanyan naabotan ira na bakal ed Gabaa.

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

Exodo 16:34

Onung na ingganggan na Katawan ed kinen Moises, si Aaron inyan tod arap na Kaban na Sipanan imay mana, pian nisinup.

Saray Bilang 17:4

Iyakar mo rad Tuldan Ayaman ko insan mo ra igaton ed arap na Kaban na Sipanan, a diman ta ka babanaen.

Saray Bilang 17:9

Inala nen Moises ira may baston tan impanengneng to ran amin ed saray Israelita. Anengneng da so agawa, tan inala na balang pangulo so dilin baston to.

Saray Bilang 17:11

Ginawa nen Moises so ingganggan na Katawan.

Saray Bilang 20:9

Linmay Moises ta inala to may baston onung na ingganggan na Katawan.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Saray Bilang 4:18

“Ag yo aabuloyan

Saray Bilang 14:5

Insan si Moises tan si Aaron dinmakmomo ra ya anggad dalin diad arap na amin a totoo.

Saray Bilang 16:21

“Arawian yo ra yan totoo, ta deralen ko ran tampol.”