Saray Bilang 16:46 - Maung A Balita Biblia

⁴⁶ et si Moises kuantod kinen Aaron, “Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.”

Maung a Balita Biblia

⁴⁶ et si Moises kuantod kinen Aaron, Alam so pananginay insinso, kargaan mo na saray ngalab a manlapud altar, insan mo inan na insinso so ngalab. Insan ka mangganat ya onlad saray totoo ta gawam so sirimonya a panlinis ed sikara. Ganatan mo! Tinmerak lay pasnuk na Katawan tan ginmapo lay salot.

Saray Bilang 16:46 Referans Kwoze

Saray Bilang 8:19

Ipalimak ed kinen Aaron tan saray anak to iray Levita a rigalon nanlapud saray Israelita, ta sikaray ontulong ed kimey ed Tulda para saray totood Israel tan sikaray mangyagel ed saray Israelita ed antokaman a doknal a nasagmak da no onasingger iran tuloy ed Masanton Pasen.”

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Saray Salmo 106:29

Impanpasnuk day Dios lapud sarayan ginagawa ra, kanyan dinmalan so salot ed sikara.

1 Saray Awaran 27:24

Inggapo nen Joab a lakin anak nen Sarvia so impanbilang ed saray totoo, balet ag to sinumpal. Dinusa na Dios so Israel lapud sayan impanbilang ed saray totoo, kanyan ag nikorit ed awaran nen Ari David iray kaonuran a bilang.

Saray Bilang 18:5

Sika tan saray anak mo labat so manggawa na saray kimey ed Masanton Pasen tan diad altar, pian ag lamet onterak so pasnuk kod saray Israelita.

Saray Bilang 11:33

Nen daakan niy karnin kakanen da, akapasnuk ed sikara so Katawan tan pinadalan tod sikaray salot.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Deuteronomio 9:22

“Impanpasnuk yo met so Katawan a Dios yo nen wala kayod Tabera, Masa, tan Kibrot-hattava.

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

Saray Bilang 25:8

tinombuk to may laki tan bii a walad dalem na tulda, insan to ra dinoyuk a dua et pinmaway so ngeroy pika ed kabalgay bii. Diad onya apatonda may salot a mandederal ed Israel,

Habacuc 3:5

Papaonaen tod arap to so salot tan gangganen ton ontombuk ed sikato so patey.