Saray Bilang 16:33 - Maung A Balita Biblia

³³ Ontan sirin mabilay iran linma ed pasen a panaayaman da ray inaatey a pati saray kayaryan da. Kinmopit imay dalin a sinmangin angakmun ed sikara, et naandipat ira.

Maung a Balita Biblia

³³ Ontan sirin mabilay iran linma ed pasen a panaayaman da ray inaatey a pati saray kayaryan da. Kinmopit imay dalin a sinmangin angakmun ed sikara, et naandipat ira.

Saray Bilang 16:33 Referans Kwoze

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Ezekiel 32:30

“Amin da ray prinsipi ed baybay et wadman met ira; wadman met iray taga Sidon. Nen saman nantataktakot ira lapud pakayari ra, balet natan naplag irad kababaingan a pati saray apatey ed bakal tan niparokul iran ag asegat. Minabang irad kababaingan da ray oonlad pasen a panaayaman da ray inaatey.

Ezekiel 32:18

Inkuanto, “Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Isaias 14:15

Balet naplag kad sankaaraleman a pasen a panaayaman da ray inaatey.

Isaias 14:9

“Sipaparaan lan mangawat ed ari na Babilonia so pasen a panaayaman da ray inaatey. Saray ispiritu na saray makapanyari ed mundo et ag ira makareen. Onaalagey a manlapud trono ra iray ispiritu na saray nanari ed mundo.

Saray Salmo 143:7

Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 69:15

Ag mo pa iyaabuloy a nalipos ak ed delap; ag mo pa iyaabuloy a nalener ak ed aralem a danum, odino akmunen ak na lobuk.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Saray Bilang 16:32

tan inakmun to ra tan saray kabyangay pamilya ra; ontan met ed saray amin a kagampi nen Core tan saray kayaryan da.

Saray Bilang 16:34

Amin da ray totood Israel a wadman et batik ira nen nadngel day akis da. Inmeyag ira, “Batik kayo! Ompan akmunen itayo met na dalin!”

Saray Bilang 26:11

Balet ag inatey iray lalakin anak nen Core.)

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Saray Salmo 141:7

Singa say kiew ya abelang-belang tan asapsapsap, ontan so kitayak na saray pokel da ed sangab na pasen a panaayaman da ray inaatey.

Isaias 38:18

Diad pasen a panaayaman da ray inaatey, Anggapoy siopaman a makapangigalang ed sika; Ag makapanmatalek ed inkatoor mo iray inaatey.

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”

Saray Bilang 22:33

Balet anengneng ak na asnom kanyan amitlon sinmipad dalan. No ag sinmipad dalan apatey ta ka la tan inabuloyan kon nambilay so asnom.”

Saray Salmo 55:16

Balet onkekerew ak na tulong ed Katawan a Dios, et ilaban to ak.