Saray Bilang 16:28 - Maung A Balita Biblia

²⁸ Inkuanen Moises ed saray totoo, “Onya so pakapikabat yo a say Katawan so angibaki ed siak a manggawa na sarayan amin a bengatla tan ag ko kaliktan a gawaen ira.

Maung a Balita Biblia

²⁸ Inkuanen Moises ed saray totoo, Onya so pakapikabat yo a say Katawan so angibaki ed siak a manggawa na sarayan amin a bengatla tan ag ko kaliktan a gawaen ira.

Saray Bilang 16:28 Referans Kwoze

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Ezekiel 13:17

Inkuan na Katawan, “Sika a toon ompatey, nengneng mo natan iray bibii ed saray totoom a gagawaen dan dili iray propisiya ra. Mampropisiya ka sumpad sikara

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Juan 14:11

Sisia yon wala ak ed Ama, tan say Ama wala ed siak. No andi, sisia yo ak lapud sarayan gawa.

Juan 11:42

Amtak a dedengelen mo ak lawas, balet imbagak ya lapud sarayan totood kaliber-liber ko, pian sisiaen da ya imbaki mo ak.”

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Zacarias 4:9

Inkuanto, “Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

Zacarias 2:9

“Say Katawan a dili so onlaban ed sikayo, tan samsaman kayo na saray totoon aripen yo nen saman.” No nagawa la ya, naamtaan na balang too a siak so imbaki na Katawan a Makapanyarin-amin.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

Deuteronomio 18:22

No mansalitad ngaran na Katawan so sakey a propita balet ag ontuay salitaen to, ag nanlapud Katawan so salita to. Satan a propita et nansalita ed pakayari ton dili, kanyan nepeg ya ag yo takotan.

Exodo 7:9

“No say ari et kaukolan to kayon manggaway milagro a pakabirbiran na katwaan na ibabaga yo, ibagam ed Aaron ya alaen toy baston to, insan to ibontuk ed arap na ari, et magmaliw ya oleg.”

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

Exodo 4:15

Mitongtong kad sikato tan ibagam so nepeg ton salitaen. Tulongan ta kayo ed pansalita yo tan ibagak ed sikayo so gawaen yo.