Saray Bilang 16:27 - Maung A Balita Biblia

²⁷ Kanyan saramay totoo inmarawi ra ed saray tulda di Core, Datan, tan Abiram. Pinmaway ira di Datan tan Abiram tan nanalagey ira ed lolooban na saray tulda ra a kaiba da ray kaasawaan da tan saray anak da.

Maung a Balita Biblia

²⁷ Kanyan saramay totoo inmarawi ra ed saray tulda di Core, Datan, tan Abiram. Pinmaway ira di Datan tan Abiram tan nanalagey ira ed lolooban na saray tulda ra a kaiba da ray kaasawaan da tan saray anak da.

Saray Bilang 16:27 Referans Kwoze

Isaias 28:14

Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Bilang 16:1

Si Core, a lakin anak nen Izar tan sakey a Levitan kabyangay boleg nen Coat, et sinmumlang ed kinen Moises. Akigampid sikato ray taloran kabyangay tribu nen Ruben a di Datan tan Abiram a lalakin anak nen Eliab, tan si On a lakin anak nen Pelet. Ontan met, akigampid sikara iray arum a duanlasus tan limamplon Israelita a bantug iran pangulon pinili na saray katoowan.

Saray Bilang 26:11

Balet ag inatey iray lalakin anak nen Core.)

Exodo 33:8

Kapag si Moises et ompaway ya onlad man ed Tulda, saray totoo manalagey ira ed lolooban na katuldaan da tan bantagen day Moises ya anggad ag to iloob ed Tulda.