Saray Bilang 16:16 - Maung A Balita Biblia

¹⁶ Inkuanen Moises ed kinen Core, “Nabwas sika tan saray kagampim a duanlasus tan limamplo et nepeg ya onla kayod Tuldan Ayamay Katawan; onlad man met si Aaron.

Maung a Balita Biblia

¹⁶ Inkuanen Moises ed kinen Core, Nabwas sika tan saray kagampim a duanlasus tan limamplo et nepeg ya onla kayod Tuldan Ayamay Katawan; onlad man met si Aaron.

Saray Bilang 16:16 Referans Kwoze

1 Samuel 12:7

Alagey kayo natan ed kawalaan yo, tan akusaen ta kayod arap na Katawan. Ipanunot kod sikayoy amin a pakelaw a ginagaway Katawan diad impangilaban tod sikayo tan saray lalaki yo.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

2 Timoteo 2:14

Ipanunot mo ra yad saray totoom tan bilin mo ran maung diad arap na Dios, ya ag ira mankokolkol lapud saray salita. Ta anggapoy iter to yan maabig, no ag ta deralen to labat iray totoon ondengel.

Exodo 16:9

Si Moises kuantod kinen Aaron, “Ibagam ed saray amin a totoo ya ondago ra tan manalagey ira ed arap na Katawan, lapud nadngel to ray riklamo ra.”

Saray Bilang 16:15

Akapasnuk si Moises kanyan kuantod Katawan, “Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.”

Saray Bilang 16:17

Balang sakey ed sikayo et awiten to so pananginan to na insinso, kargaan to na insinso, tan iyapay to ed altar.”

Saray Bilang 12:4

Kabebekta say Katawan kuantod kindi Moises, Aaron, tan Miriam, “Paway kayon talo ta laka yod Tuldan Ayaman ko.” Pinmaway ira,