Saray Bilang 16:15 - Maung A Balita Biblia

¹⁵ Akapasnuk si Moises kanyan kuantod Katawan, “Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.”

Maung a Balita Biblia

¹⁵ Akapasnuk si Moises kanyan kuantod Katawan, Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.

Saray Bilang 16:15 Referans Kwoze

2 CORINTO 7:2

Itdan yo kamiy pasen ed puso yo. Kapigan man, anggapod sikayoy nanggawaan miy kaogsan, dineral, o sinaol mi.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

1 CORINTO 9:15

Balet anggapoy inkanak ed sarayan kanepegan ko, tan aliwan say pikekerew koy pambilay ko so makasengeg na pansusulat kod saraya. Lablabayen ko niy ompatey nen say pagmaliwen dan andi-kakanaan so makanepegan a pampasirayew ko!

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Mateo 5:22

Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Saray Bilang 12:3

Mapaabeban too si Moises; anggapo lad tapew na dalin so toon mapaabeba nen say sikato.)

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Saray Bilang 16:16

Inkuanen Moises ed kinen Core, “Nabwas sika tan saray kagampim a duanlasus tan limamplo et nepeg ya onla kayod Tuldan Ayamay Katawan; onlad man met si Aaron.

2 Samuel 22:22

Tinoluk koy ganggan na Katawan; ag ko imbeneg so Dios ko.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.