Saray Bilang 16:13 - Maung A Balita Biblia

¹³ Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Maung a Balita Biblia

¹³ Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:13 Referans Kwoze

Saray Gawgawa 7:35

“Impolisay na saray Israelita si Moises nen inkuanda, ‘Siopay angipasen ed sikan manoley tan huis mi?’ Balet saya met lamlamang a Moises so imbaki na Dios a manoley tan manondon, diad tulong na anghil a pinmayawar ed sikato diad abeban kiew.

Saray Bilang 11:5

Nen saman dimad Egipto sawaan so impapangan tayon sira, tan ag tayon balut ira nanggasgastosan. Nanunotan yo ni ra may pipino, pakuan, kutsay, sibuyas, tan bawang a kinakakan tayo?

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Saray Bilang 14:2

Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Exodo 1:22

Diad satan, say ari angipaakseb na sakey a ganggan ed saray amin a totoo to: “Ipaanur yod Ilog na Nilo so balang Hebreon laki a kapangyanak, balet ag yo papateyen iray kapangyanak a bibii.”

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Saray Bilang 11:4

Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

Saray Bilang 14:3

Akin et say Katawan iyakar to itayod saman a dalin? Napatey itayo ed bakal, tan nadakep iray kaasawaan tan saray anak tayo. Ag magmaung nin ompawil itayod Egipto?”

Saray Bilang 16:12

Insan impaawit nen Moises ira di Datan tan Abiram, balet kuanda, “Ag kami ondago!

Ezekiel 34:18

Saray arum ed sikayo et ag ni apenek ed saray sankaabigan a dika; ginagatinan yo ingen iray ag yo kakanen! Iinomen yo ray malinew a danum tan kikiloten yo ray ag yo iinomen!

Saray Bilang 11:20

no ag ingen diad loob na intiron sakey bulan. Mangan kayo na sawasawaan ya anggad natama kayo. Onyay nagawa lapud impolisay yo so Katawan a kaibiba yo tan nanriklamo kayod sikato a lablabay yo lan ag kayo komun tinmaynan a manlapud Egipto.’”

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.