Saray Bilang 14:8 - Maung A Balita Biblia

⁸ No maliket ed sikatayo so Katawan, iyakar to tayod man tan iter tod sikatayo man a mayaman tan mataban dalin.

Maung a Balita Biblia

⁸ No maliket ed sikatayo so Katawan, iyakar to tayod man tan iter tod sikatayo man a mayaman tan mataban dalin.

Saray Bilang 14:8 Referans Kwoze

2 Samuel 22:20

Inekal to ak ed kaatapan; inlaban to ak, ta makaliliket ed siak.

Isaias 62:4

Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.

Deuteronomio 10:15

Balet balbaleg so panangaro na Katawan ed saray lalaki yo kanyan pinili to kayo, aliwan saray arum a totoo, tan sikayo ni ya anggad natan iray apilin totoo to.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Salmo 22:8

Kuanda, “Nanmatalek kad Katawan, Akin et ag to ka ilaban? No talagan inaro to ka, akin et ag to ka tulongan?”

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Saray Bilang 16:14

Talagan ag mo kami inyakar ed mataban dalin odino initdan na kaalogan tan kaubasan, et natan labay mo kami nin palikdoen. Ag kami ondago!”

Josue 14:12

Natan sirin, iter mod siak so kapokdulan a pasen ya insipan ed siak na Katawan diad samay agew na impangibaga miy anengneng mid impanispia mi. Imbaga mid sika a diad saman a baleg tan apaliberan na padir a siudad et wadman iray Anakim a poli ra na alan. Angangko olupen ak na Katawan et napataynan ko ra, onung na imbagay Katawan.”

2 Saray Arari 18:32

anggad panayamen kayo na impirador ed sakey a bansa a singa met lamlamang say bansa yo a wala ray kaubasan a mangiter na ubas tan wala ray trigo a gawaen a tinapay; sakey a dalin a wala ray kiew na oliba, larak na oliba, tan say dilo. No onuren yo ray ganggan to ag kayo ompatey, no ag ta mambilay kayo. Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat.