Saray Bilang 14:29 - Maung A Balita Biblia

²⁹ Ompatey kayo tan nataytayak ed sayan kalawakan iray bangkay yo. Lapud nanriklamo kayo sumpad siak, anggapod sikayo so makaloob ed saman a dalin a say taon to et onsoluk ed duamplo.

Maung a Balita Biblia

²⁹ Ompatey kayo tan nataytayak ed sayan kalawakan iray bangkay yo. Lapud nanriklamo kayo sumpad siak, anggapod sikayo so makaloob ed saman a dalin a say taon to et onsoluk ed duamplo.

Saray Bilang 14:29 Referans Kwoze

Saray Hebreo 3:17

Siopa ray nampasnukay Dios ed loob na apataploy taon? Aliwa kasin saray totoon nankakasalanan tan abakbaktar ira ya inaatey ed kalawakan?

Saray Bilang 26:64

Anggapoy anggan sakey a lakin akeraan ed saramay inlista di Moises tan Aaron diad samay inmonan impanbilang da diad Kalawakan na Sinai.

1 CORINTO 10:5

Anggaman ontan, karaklan ed sikaray ag akapaliket ed Dios, kanyan akaykayat ed kalawakan iray bangkay da.

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.

Deuteronomio 2:14

Talomplo tan walo tan taon ed saman so linmabas kayariy intaynan tayo manlapud Cades-barnea. Inaatey lan amin iray lalakin bumabakal ed saman a kailalakan, onung na imbaga na Katawan a pansumpalan da.

Saray Salmo 78:33

Kanyan singa ingas so impamaandipat tod saray agew da, tan makapataktakot so impamasamput tod saray bilay da.

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Saray Salmo 106:26

Kanyan sinambaan to a paolyan to ran ompatey ed kalawakan,