Saray Bilang 14:24 - Maung A Balita Biblia

²⁴ Balet lapud domay liknaan nen Caleb tan nansiansian matoor ed siak, abuloyan kon makakar ed dalin a nila ton ninengneng, tan kayaryanen na saray kabyangay boleg to iman a dalin

Maung a Balita Biblia

²⁴ Balet lapud domay liknaan nen Caleb tan nansiansian matoor ed siak, abuloyan kon makakar ed dalin a nila ton ninengneng, tan kayaryanen na saray kabyangay boleg to iman a dalin

Saray Bilang 14:24 Referans Kwoze

TAGA-EFESO 6:6

Walay makanenengneng man o anggapo, ontay gawa yo, aliwan lapud pamaliket yod too; ingen lapud aripen kayo nen Cristo, onur yon mabolbolus so linaway Dios.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Deuteronomio 1:36

Si Caleb a lakin anak nen Jefone so makaloob labat ed dalin. Nansiansian matoor ed siak, kanyan iter kod sikato tan saray kabyangay boleg to so dalin ya inispiaan to.’

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

Saray Bilang 13:30

Si Caleb pinareen to ray totoon manririklamo ed kinen Moises tan kuanto, “Dogpaan ti la natan iman a dalin tan dakepen tayo la; sarasarag tayon looban tan dakepen.”

COLOSAS 3:23

Antokaman a gawaen yo, gawa yon mabolbolus, a singa kayo manlilingkur ed Katawan, aliwa labat a diad too.

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

2 Saray Awaran 25:2

Ginagawa toy makapaliket ed Katawan, balet aliwan maseseg ed saya.

1 Saray Awaran 29:18

O Katawan a Dios na saray lalaki min Abraham, Isaac, tan Jacob, pansiansiam pa a mamposapos ya ando lan ando ed kapusoan na sarayan totoom, ira yan getma tan kanunotan da. Pansiansiam pa met a matoor ira lawas ed sika.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Saray Salmo 119:145

Diad intiron pusok ontatawag ak ed sika, O Katawan; ebatan mo ak pa, et onuren ko ray ganggan mo!

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.