Saray Bilang 14:18 - Maung A Balita Biblia

¹⁸ ‘Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.’

Maung a Balita Biblia

¹⁸ Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.

Saray Bilang 14:18 Referans Kwoze

Saray Salmo 145:8

Say Katawan maaro tan mapangasi, aliwan maipapasnuk tan baleg so ag mangoman a panangaro to.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Deuteronomio 5:9

Ag ka ondadakmomo, ni mangigagalang ed saraya, ta siak, say Katawan a Dios mo et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, “Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Saray Taga Roma 5:21

Kanyan no say kasalanan et nanoley diad panamegley na patey, ontan met a manoley so baleg a panangaroy Dios diad panamegley na pakapaandi na kasalanan, pian nagamuran tayoy bilay ya andi-anggaan diad panamegley nen Jesu-Cristo a Katawan tayo.

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Saray Bilang 14:17

Kanyan natan, Katawan, pikasik ed sika ya ipanengneng moy pakayarim tan sumpal mo so insipan mo nen inkuanmo,

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Deuteronomio 5:10

Balet aroen ko ray nilibon kailalakan na saray mangarod siak tan mangonur na saray ganggan ko.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Deuteronomio 7:10

balet andi-saew a dusaen to ray mamosul ed sikato.

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 108:4

Say ag mangoman a panangarom sasabien to ray katawenan, tan say inkatoor mo gagawaten to ray lorem.

Saray Salmo 109:14

Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Say Libro nen Job 21:19

Ibabaga yo a say Dios dusaen toy anak lapud saray kasalanan na ama to. Andi! Padusa yod Dios iray makasalanan, tan ipanengneng tod sikara a dusaen to ra lapud saray dilin kasalanan da.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.