Saray Bilang 14:11 - Maung A Balita Biblia

¹¹ Say Katawan kuantod kinen Moises, “Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Maung a Balita Biblia

¹¹ Say Katawan kuantod kinen Moises, Kapigay pangangga na pangipopolisay ed siak na sarayan totoo? Kapigay pangangga na ag da panmatalek ed siak, anggaman ya amayamay iray milagron ginagawak ed arap da?

Saray Bilang 14:11 Referans Kwoze

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Saray Salmo 78:32

Anggaman a wala ra yan agawa intuloy na saray totoo so nankasalanan; anggaman a wala ray milagron ginagawa to ag ira anisia.

Saray Salmo 78:22

ta ag ira nanmatalek ed sikato tan ag ira anisia ya ilaban to ra.

Deuteronomio 1:32

Balet anggaman ya onmay imbagak, ag yo nin siansia nanmatalkan so Katawan,

Saray Hebreo 3:8

ag yo papaawetey olo yo, a singa saray lalaki yo nen nilabanan day Dios, a singa sikara diad saman ya agew ed kalawakan nen sinubok da.

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

Saray Bilang 14:23

Anggapod sarayan angipolisay ed siak so makaloob ed saman a dalin.

Saray Hebreo 3:18

Tan siopa ray labay a pangibagaan na Dios nen insamba ton ag ira makaloob ed dalin a pangiteran ko komun ed sikaray painawa? Aliwa kasin saray linmaban ed sikato?

Saray Hebreo 3:16

Siopa ray akadngel ed Dios et nilabanan da? Aliwa kasin amin da ray impaway nen Moises ed Egipto?

Exodo 16:28

Insan say Katawan kuantod kinen Moises, “Kapigan mangangga so isusumlang na saray totoo ed saray ganggan ko?

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 10:38

Balet no gagawaen ko ra, anggaman ya ag yo ak sisiaen, sisia yo ray kimey ko. Et diad ontan, naamtaan yo lan talaga a walad siak so Ama, tan wala ak ed sikato.”

Marcos 9:19

Inkuanen Jesus ed sikara, “Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Zacarias 8:14

Say Katawan a Makapanyarin-amin kuanto, “Nen impanpasnuk ak na saray lalaki yo, ninunot ko ya ipadalan so deral ed sikara tan ag ko inoman so kanunotan ko, no ag ingen intuloy kon sinumpal iray planok.

Oseas 8:5

Kabosul koy bakan balituk ya igagalang na saray taga siudad na Samaria. Mapalaloy petang na olok ed sikara. Anggad kapigay itonda ran mangigalang ed talintaoy diriyos?

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 32:9

Amtak so inkaawet na olo da ra yan totoo.

Saray Bilang 32:10

Diad saman ya agew akapasnuk so Katawan. Inkuanto,

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.