Saray Bilang 13:32 - Maung A Balita Biblia

³² Kanyan inwakawak dad saray Israelita so tilatilan balita a nipaakar ed samay dalin a ninengneng da. Inkuanda, “Saman a dalin a nila mi et ag napangalaan na magenap a pantagano na anggan saray totoon manaayam diman. Atatagey iray totoon anengneng mid man,

Maung a Balita Biblia

³² Kanyan inwakawak dad saray Israelita so tilatilan balita a nipaakar ed samay dalin a ninengneng da. Inkuanda, Saman a dalin a nila mi et ag napangalaan na magenap a pantagano na anggan saray totoon manaayam diman. Atatagey iray totoon anengneng mid man,

Saray Bilang 13:32 Referans Kwoze

Amos 2:9

“Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

1 Saray Awaran 20:6

Walay sananey nin bakal ed Gat. Diad sayan bakal walay sakey ya alan ya anemiray gamet na balang lima tan sali to. Sikatoy kabyangay boleg na saray gendat ya alan.

2 Samuel 21:20

Walay sananey nin bakal ed Gat. Diad sayan bakal walay sakey ya alan a labalabay toy mibakal. Anemiray gamet na balang lima to tan sali to.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Saray Bilang 13:28

Balet makapanyari ray totoon manaayam diman, tan ankakabaleg iray siudad diman tan aliber ira na padir. Say maoges ni, anengneng mi rad may kabyangay boleg na alan.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Ezekiel 36:12

Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.