Saray Bilang 13:20 - Maung A Balita Biblia

²⁰ Nengneng yo met no matabad may dalin tan no katakelan. Ag yo met lilingwanan so mangisempet na pigaran bungay kakiewan diman.” (Panaon lad saman ya onggapo lan naluto iray bungay ubas.)

Maung a Balita Biblia

²⁰ Nengneng yo met no matabad may dalin tan no katakelan. Ag yo met lilingwanan so mangisempet na pigaran bungay kakiewan diman. (Panaon lad saman ya onggapo lan naluto iray bungay ubas.)

Saray Bilang 13:20 Referans Kwoze

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Nehemias 9:35

Lapud abuloy mo saray arari inoleyan da ray totoom, legan a manaayam irad maawang tan mabunan dalin ya inter mod sikara; balet ag da binenegan so kasalanan tan ag da ka nanlingkuran.

Nehemias 9:25

Dinakep na saray totoom iray siudad ya aliber na padir, saray mabunan dalin, saray abung a napnoy kayamanan, saray bobun a walay danum, saray kaolibaan, saray kakiewan a mambunga, tan saray kaubasan. Inaakan day amin a labay da, kanyan tinmataba ra; nanliket irad amin a kaabigan ya inter mod sikara.

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

1 Saray Awaran 22:11

Intuloy ya inkuanen David, “Natan, anak ko, mansiansia komun ed sika so Katawan a Dios mo, tan sumpalen to komun so sipan to a sikay mamaalagey na timplon para sikato.

Josue 2:3

kanyan impaibaga tod kinen Rahab: “Saratay lalakin wadtad abung mo et linma ra dian manispia ed intiron bansa! Papaway mo ra!”

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Deuteronomio 1:25

Nen pinmawil ira angisempet ira na saray bungay kiew diman, tan imbaga ran mataba-taban dalin so iter ed sikatayo na Katawan a Dios tayo.

Saray Bilang 13:19

Nengneng yo no maung odino makapoy iman a dalin tan no manaayam ed saray baley ya anggapoy padir iray totoo odino diad saray siudad ya aliber na padir.

Deuteronomio 1:24

Linma rad kapokdulan a dalin ya anggad Patar na Escol tan ninengneng da so dalin.

Daniel 11:24

Looban ton anggapoy pasakbay so sakey a mayaman a luyag tan gawaen to ray bengatlan ag balut ginagawa na saray lalaki to. Insan to apagen ed saray totoo to iray antokaman a kagawaan tan kayaryan ya asamsam tod bakal. Mamplano na idogpa tod saray tirinsira, balet onkulang so panaon to.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.