Saray Bilang 12:9 - Maung A Balita Biblia

⁹ Ampetang so olo na Katawan ed sikara, tan tinmaynan la.

Maung a Balita Biblia

⁹ Ampetang so olo na Katawan ed sikara, tan tinmaynan la.

Saray Bilang 12:9 Referans Kwoze

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Genesis 17:22

Tinmaynan lay Dios nen asumpal ya akisalita ed kinen Abraham.

Genesis 18:33

Kasumpal na Katawan ya akisalitad kinen Abraham, linma la tan sinmempet met lay Abraham.

Saray Bilang 11:10

Nadngel nen Moises iray amin a totoon manririklamo nen agrupo-grupo ran nanalagey ed saray lolooban na saray tulda ra. Agunigon si Moises lapud akapasnuk so Katawan ed sikara.