Saray Bilang 12:1 - Maung A Balita Biblia

¹ Si Moises angasawa na sakey a biin Cusita. Lapud saya binalaw di Miriam tan Aaron.

Maung a Balita Biblia

¹ Si Moises angasawa na sakey a biin Cusita. Lapud saya binalaw di Miriam tan Aaron.

Saray Bilang 12:1 Referans Kwoze

Exodo 2:21

Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Genesis 27:46

Inkuanen Rebeca ed kinen Isaac, “Agaylay irap ko tan onsasawa ak lad saray taga arum a bansa ya asawa nen Esau. No mangasawa met si Jacob na sakey ed saray Hetea a singa sikara, maung ni laingey inatey ak.”

Genesis 24:37

Impansamba ak nen amok a tooren koy ganggan to. Inkuanto, ‘Ag ka mampipili na asawaey anak ko ed saray mamarikit diad Canaan a panaayaman ko.

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

Juan 7:5

(Ta anggan saray lalakin agagi nen Jesus et ag ira manisiad sikato.)

Mateo 10:36

Saray kalaban na sakey a too et saray kabyangan na pamilya to lamlamang.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

Levitico 21:14

aliwan balo odino insian na asawa to odino biin marotak. Nepeg ya asawaen toy biin ag ni adiwit a kabolegan to.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Genesis 41:45

Initdan toy Jose na balon ngaran: Zafenat-panea. Initdan to met na asawa a si Asenat ya anak nen Potifera a pari ed siudad na Heliopolis. Mantaoy talomplo si Jose nen ginmapon manlingkur ed ari na Egipto. Nampatanir ed ari tan nanliber-liber ed intiron Egipto.

Juan 15:20

Nunot yoy imbagak ed sikayo: ‘Anggapoy aripen a palabsanan toy katawan to.’ No pinairap da ak, pairapen da ki met. No inonur day salitak, onuren da met so salita yo.

Mateo 12:48

Inmebat si Jesus, “Siopay inak? Siopa ray agagik?”

Exodo 2:16

nitan la ray pitoran bibii ya anak nen Jetro a pari na Madian, ta onasul iray danum ya iyan dad saray atotung ya inoman na saray karniro tan saray kanding na ama ra.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 26:59

ya asawa toy anak nen Levi a si Jacobed a nianak ed Egipto. Walay anak tod kinen Amram a duaran lalaki a di Aaron tan Moises tan sakey a bii a si Miriam.