Saray Bilang 11:31 - Maung A Balita Biblia

³¹ Kabebekta say Katawan pinasuplug toy sakey a mabiskeg a dagem ya angawit na saray pugon nanlapud dayat, a say tikyab da et sakey mitro so kaatagey da ed dalin. Pinanatan da so kampo tan diad kaliber-liber to ya anggad pigapigan kilomitroy kaarawid balang dapag.

Maung a Balita Biblia

³¹ Kabebekta say Katawan pinasuplug toy sakey a mabiskeg a dagem ya angawit na saray pugon nanlapud dayat, a say tikyab da et sakey mitro so kaatagey da ed dalin. Pinanatan da so kampo tan diad kaliber-liber to ya anggad pigapigan kilomitroy kaarawid balang dapag.

Saray Bilang 11:31 Referans Kwoze

Exodo 16:13

Diad labi walay olup na amayamay a pugo a mantikyab iran sinmabi tan apanatan day kampo, tan diad kabwasan walay linaew ed kaliber-liber na kampo.

Saray Salmo 105:40

Kinmerew ira, et initdan to ray pugo; initdan to ray kakanen a nanlapud tawen a mamesel ed sikara.

Saray Salmo 135:7

Sikatoy mamapaatagey ed saray lorem a manlapud saray samput na dalin; gagawaen toy kirmat para saray bagyo, tan ipapaway toy dagem a manlapud kuarton panagsinupan to.

Exodo 15:10

Balet sakey labat ya ingas mo, O Katawan, et nalner la ray Egipsio; linmereg iran singa ismay ed dalem na mabiskeg a danum.

Exodo 10:19

Say Katawan pinasiplug toy mabisbiskeg a dagem a nanlapud sagur; impalir na sayan dagem ira may dorun tan imbantak to ran amin ed Dayat ya Ambalanga. Anggapoy anggan sakey a dorun ya atilak ed intiron Egipto.

Exodo 10:13

Kanyan intoro nen Moises so baston to tan sanagew tan sanlabin pinasiplug na Katawan so dagem a nanlapud bokig. Diad kaimbwasan awit na dagem iray dorun.

Saray Bilang 11:30

Insan si Moises tan saramay pitomplon pangulo na Israel et pinmawil la ra ed kampo.

Saray Salmo 106:15

Kanyan inter tod sikaray kinerew da, balet impadalan to met ed sikaray salot.