Saray Bilang 11:29 - Maung A Balita Biblia

²⁹ Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Maung a Balita Biblia

²⁹ Inmebat si Moides, Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!

Saray Bilang 11:29 Referans Kwoze

1 CORINTO 14:5

Labay ko komun a makapansalita kayon amin na nandoroman salita, balet nagkalalon pilalek ko a makapampulong kayon amin na salitay Dios. Makana niy toon mampulong na salitay Dios nen say toon mansalitay nandoroman salita, likud labat no walay mangipatalus ed salitaen to, pian makatulong ed ibiskeg na iglisia.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

Lucas 10:2

Inkuantod sikara, “Amayamay so aaniyen, balet dagdaiset iray manani. Kerew yod akankiey aaniyen a mangibaki niy arum a manani.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

1 CORINTO 13:4

Say aro maanos tan mapangasi; aliwan maimon, o mapasirayew, o mapaatagey;

1 CORINTO 3:21

Nepeg sirin ya anggapoy mangipasirayew ed nagawaay too. Ta kayaryan yoy amin a bengatla:

Saray Gawgawa 26:29

Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

1 CORINTO 3:3

ta minumundo niy panagbilay yo. Maniimonan tan mankokolkol kayo ni. Ag ta ra ya mangipatnag a minumundo kayo ni, tan say panagbilay yo et onung na panagbilay na karaklan?

Saray Bilang 11:30

Insan si Moises tan saramay pitomplon pangulo na Israel et pinmawil la ra ed kampo.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Joel 3:1

Say Katawan kuanto, “Diad satan a panaon ipawil koy aligwas na Juda tan Jerusalem.