Saray Bilang 11:1 - Maung A Balita Biblia

¹ Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Maung a Balita Biblia

¹ Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 11:1 Referans Kwoze

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

2 Saray Arari 1:12

“No sakey ak a too na Dios,” ebat nen Elias, “ompelag komun a manlapud tawen so apoy a mamatey ed sika tan saray totoom!” Pinmelag a tampol a nanlapud tawen so apoy ya amatey ed samay opisyal tan saray totoo to.

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Deuteronomio 9:22

“Impanpasnuk yo met so Katawan a Dios yo nen wala kayod Tabera, Masa, tan Kibrot-hattava.

Levitico 10:2

Kabebekta say Katawan angipelag na apoy tan pinoolan to ra ya anggad ag da impatey ed arap to.

Exodo 16:9

Si Moises kuantod kinen Aaron, “Ibagam ed saray amin a totoo ya ondago ra tan manalagey ira ed arap na Katawan, lapud nadngel to ray riklamo ra.”

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Saray Salmo 106:18

linmeksab so apoy ed saray mananombuk da, tan pinoolan to ra man a totoon maoges.

Saray Salmo 78:21

Kanyan akapasnuk so Katawan nen nadngel to ra; kinabil to na apoy iray totoo to, tan linmoor so pasnuk tod sikara,

Say Libro nen Job 1:16

Mansasalita ni nen sinmabi so sakey nin aripen tan kuanto, “Inatey ya amin iray karnirom tan saray mamapastol ed sikara, ta naatotan iray karul. Siak labat so akabatik kanyan wadya ak a mangibalitad sika.”

2 Samuel 11:27

Kayariy panaon na impanermen to, inala nen David ed palasio; nagmaliw ya asawa to tan naanakan to na sakey a laki. Balet akapaermen ed Katawan yan ginawa nen David.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikato—on, sumpad sikato, ta susumpalen mi labat iray bilin to.”

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Genesis 38:10

Nampasnuk so Katawan ed sayan ginawa nen Onan, kanyan pinatey to met.

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Saray Hebreo 12:29

ta say Dios tayo et manangoput ya apoy.

Nahum 1:5

Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Saray Tagleey 3:39

Akin et naynay itayon manriklamo no nadudusa itayo lapud kasalanan tayo?

Deuteronomio 25:18

Anggapoy takot dad Dios, kanyan dinogpaan da kayod beneg nen naknaksawan tan napupunaw kayo la; pinapatey da ra may makapkapoy lan walad bandad onur.

Saray Bilang 11:18

Ikuanmo natan ed saray totoo, ‘Linisan yo ray sikayon dili para nabwas; et nawalaan kayoy kanen yon karni. Say Katawan nadngel to kayon nantagleey ya imbaga yon makapangan kayo komun na karni tan maung niy kipapasen yo nen wala kayod Egipto. Say Katawan itdan to kayo la na karni a kanen yo.

Saray Bilang 14:2

Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

Saray Bilang 14:28

Natan ibagam ed sikara yan ebat: ‘Isipan ko a legan a mabilay ak, gawaen ko so kerew yo. Siak a Katawan so nansalita.

Saray Bilang 16:11

No manriklamo kayo a sumpad kinen Aaron, say Katawan a talaga so susumlangen yo, sika tan saray kagampim.”

Saray Bilang 17:5

Mansangad satan so baston na toon pinilik. Diad onya patondaen koy mabetbet a panririklamo da ray Israelita sumpad sika.”

Saray Salmo 78:63

Inatey ed bakal iray babalolaki, kanyan anggapoy angasawad saray mamarikit.

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Ezekiel 20:36

Dusaen ta kayo natan a singa samay impanusak ed saray lalaki yo diad Kalawakan na Sinai,” kuay Katawan a Dios.

Habacuc 3:5

Papaonaen tod arap to so salot tan gangganen ton ontombuk ed sikato so patey.

Saray Bilang 12:2

Inkuanda, “Nansalita sirin so Katawan diad panamegley nen Moises labat? Ag ta met nansalita diad panamegley tan dua?” Say Katawan nadngel to yan imbaga ra. (