Saray Bilang 10:30 - Maung A Balita Biblia

³⁰ Inmebat si Hobab, “Ag ak la mila; ompawil ak lad dalin kon nianakan.”

Maung a Balita Biblia

³⁰ Inmebat, si Hobab, Ag ak la mila; ompawil ak lad dalin kon nianakan.

Saray Bilang 10:30 Referans Kwoze

Saray Hebreo 11:13

Diad pananisia, inatey ira yan amin a totoo. Ag da agamuran iray insipay Dios, balet malikeliket irad impakanengneng dad sarayan sipan, anggaman a mabayag niy pakagawad saraya. Binirbir dan sangkaili ra tan mimiayam ira labat diad tapew na dalin.

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

Lucas 14:26

“Ag nayarin magmaliw a disipulok so sakey a toon ondagod siak, no say panangaro tod siak et ag ontalona ed panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

Mateo 21:29

‘Ag ko labay,’ kuanto may anak. Balet nansalat na kanunotan to tan linma met lamlamang.

Saray Salmo 45:10

Sikan nubiay ari, dengel ka pad ibagak— lingwanan mo ray totoom tan saray kakanayon mo.

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Genesis 12:1

Inkuan na Katawan ed kinen Abram, “Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika.

Mateo 21:28

“Antoy nibaga yod saya? Walay sakey a toon duaray anak ton lalaki. Linmad samay pangulowan tan inkuanto, ‘Anak ko, laka natan a mankimey ed kaubasan.’

Exodo 18:27

Pinasiput nen Moises si Jetro, insan sinmempet lay Jetro.

Saray Huis 1:16

Saray Cineo a kabyangay boleg na katolangan nen Moises et akila rad saray totoo nen Juda manlapud Jerico, say siudad na saray kiew a palmira, ya anggad kalawakan na Juda diad abalaten na Arad. Nanayam irad man a kaiba da ray Amalecita.