Saray Bilang 1:54 - Maung A Balita Biblia

⁵⁴ Sinumpal sirin na saray Israelita iray amin ya ingganggan na Katawan ed kinen Moises.

Maung a Balita Biblia

⁵⁴ Sinumpal sirin na saray Israelita iray amin ya ingganggan na Katawan ed kinen Moises.

Saray Bilang 1:54 Referans Kwoze

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.

Saray Bilang 2:34

Kanyan saray totood Israel sinumpal day amin ya ingganggan na Katawan ed kinen Moises. Nankakampo ra, a balang sakey ed sikara walad silong na dilin bandira to; tan kinmukurang ira, a balang sakey ed sikara walad dilin boleg to.

Exodo 40:32

kapag onloob irad Tulda odino onla rad altar, onung na ingganggan na Katawan.

Exodo 40:16

Ginawa nen Moises iray amin a bengatla, onung na ingganggan na Katawan ed sikato.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Exodo 39:32

Asumpal a siansia iray amin a kimey ed Tuldan Ayamay Katawan. Saray Israelita ginawa ray amin a bengatla onung na ingganggan na Katawan ed kinen Moises.

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”

Saray Bilang 2:1

Say Katawan inter to ray onggendan a bilin ed kindi Moises tan Aaron.

Exodo 12:28

Insan linma la ra tan sinumpal da may ingganggan na Katawan ed kindi Moises tan Aaron.

Saray Bilang 1:19

onung na ingganggan na Katawan. Diad Kalawakan na Sinai inlista nen Moises iray totoo.

Saray Bilang 8:20

Kanyan insaklang di Moises, Aaron, tan amin a totood Israel iray Levita, onung na ingganggan na Katawan ed kinen Moises.

Saray Bilang 9:5

Et diad labi na kumalabinapat ya agew na ononan bulan sinilibraan dan tua diad Kalawakan na Sinai. Ginagawa na saray totoo iray amin ya ingganggan na Katawan ed kinen Moises.

Saray Bilang 9:22

Anggan duaran agew, sakey bulan, sakey taon, odino mabayag nen saya so panakbung ed Tulda na samay lorem, ag ira onalis; balet no onatagey, onalis ira.

Saray Bilang 36:10

Kanyan di Mala, Tirza, Hogla, Milca, tan Noa ya anak nen Zolofehad et ginawa ra so ingganggan na Katawan ed kinen Moises; akiasawa ra sirin ed saray kakapinsan da.