Santiago 5:3 - Maung A Balita Biblia

³ Kinan lay lati iray balituk tan pilak yo, tan satan met a lati mantasin sumpad sikayo tan singa apoy a mangoput na laman yo. Diad sarayan kaonuran ya agew so impanipon yoy kayamanan.

Maung a Balita Biblia

³ Kinan lay lati iray balituk tan pilak yo, tan satan met a lati mantasin sumpad sikayo tan singa apoy a mangoput na laman yo. Diad sarayan kaonuran ya agew so impanipon yoy kayamanan.

Santiago 5:3 Referans Kwoze

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

2 Pedro 3:3

Manonaan ed amin, nepeg yon amtaen a diad kaonuran iran agew wala ray mambalaw ed sikayo, saray totoon mambibilay onung ed maoges iran pilalek na laman.

2 Timoteo 2:17

Say ibangat da et magmaliw a singa kanser ya onkayat ed laman. Saray ontan a klasiy totoo kaiba da ra di Himeneo tan Fileto.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Mikias 3:3

Sisiraen yo ray totook, lalakniten yoy baog da, tetemeken yoy pokel da, tan tetegtegen yoy laman da a singa karnin ikargad kaldiro.

Jeremias 19:9

Lakoben na saray kalaban da yan siudad tan pateyen da ray totoo to. Makapasinagem a tuloy yan panlakob, kanyan saray totoo kanen da ray anggan anak da tan manaakanan ira.”

Say Libro nen Job 16:8

Inerel mo ak, ta sikay kalaban ko. Kabatbaog tan kapokepokel ak la, et ipapasen ya na saray totoo a mamaneknek ed impankasalanan ko.

Josue 24:27

Inkuantod saray amin a totoo, “Sayan bato et tasi tayo. Nadngel to ray amin a sinalita na Katawan ed sikatayo. Kanyan sayan bato et tasi a sumpad sikayo, pian ag kayo onsumlang ed Dios.”

Genesis 49:1

Impaawit nen Jacob iray anak ton lalaki tan kuanto, “Gali diad abay ko, ta ibagak so nagawad sikayo diad arapen a panaon:

Genesis 31:52

Sayan bunton na bato tan sayan baton pakanudnunotan et sikaray manangipanunot. Ag kon balut onlad labas to yan bunton a dogpaan ta ka, tan ag kan balut oonlad labas to yan bunton o labas to yan baton pakanudnunotan a dogpaan mo ak.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Genesis 31:48

Inkuanen Laban ed kinen Jacob, “Sayan bunton na bato so mangipanunot ed sikatan dua.” Sikato yay makasengeg ya atawag na Galeed iman a pasen.

Saray Gawgawa 2:17

‘Onyay gawaen ko no kaonuran iran agew, inkuay Dios: ibung kod balang sakey a too so Ispirituk. Ibawag na saray anak yon lalaki tan bibii so balitak; makanengneng na saray pasingayew iray tobun-balo yo tan nawalaan na saray kugip iray mamatakken yon lalaki.