Santiago 5:16 - Maung A Balita Biblia

¹⁶ Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

Maung a Balita Biblia

¹⁶ Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

Santiago 5:16 Referans Kwoze

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Mateo 21:22

No walay pananisia yo, naawat yoy antokaman a kerewen yod pikakasi yo.”

Juan 9:31

Amta tayon ag dedengelen na Dios iray makasalanan. Say dedengelen to say toon matway pangigalang tod Dios tan mangoonur na linawa to.

Saray Salmo 34:15

Say Katawan iimanoen to ray matonung, tan dedengelen to ray tawag da;

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Saray Gawgawa 19:18

Amayamay ed saray mananisia so dinmadago, binibirbir tan impapatwa rad karaklan so ginagawa ra.

1 TESALONICA 5:17

Ag yo totondaay mampikasi.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Genesis 20:17

Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.

Probirbio 28:9

No ag mo oonuren so ganggan, kabosul na Dios a dengelen so pikakasim.

2 Saray Awaran 30:20

Inebatan na Katawan imay pikakasi nen Ezekias; pinirdona to ray totoo tan ag to ra pinasakitan.

Saray Bilang 11:2

Saray totoo et kinmerew ira na tulong ed kinen Moises; nampikasiy Moises ed Katawan, et narep imay apoy.

Saray Hebreo 12:13

Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

1 TESALONICA 5:25

Ipikasi yo kami pa met, agagi.

Mateo 3:6

Impapatwa ray kasalanan da, tan binibinyagan to rad Ilog na Jordan.

Saray Hebreo 13:18

Ipikasi yo kami pa. Anggapoy duaruwa min malinis so konsinsia mi, ta say kamaungan so pirawat mi lawas a gawaen.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

Saray Taga Roma 5:19

Tan no saray makasalanan et dinmakel ira lapud impankasalanay sakey a too, ontan met a saray totoon napaandiay kasalanan et ondakel ira lapud intoluk na sakey a too.

Saray Taga Roma 3:10

Onung na ibabagay Masanton Sulat: “Anggapoy toon matonung, anggapo, anggan sakey;

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

Saray Hebreo 11:4

Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Genesis 19:29

Balet nen dineral na Dios iray siudad na saman a patar a panaayaman nen Lot, ag to nilingwanay Abraham, kanyan inabuloyan ton nibatikan nen Lot so deral.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

1 Saray Arari 13:6

Inkuanen Ari Jeroboam ed samay propita, “Ipikasi mo ak pa ed Katawan a Dios mo, tan kerew mon paabigen toy taklay ko.” Nampikasid Katawan imay propita, et inmabig so taklay na ari.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 20:7

Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

1 Samuel 12:18

Kanyan nampikasiy Samuel, tan diad saman ya agew pinakarul tan pinaoran na Katawan. Insan tinmakot ed Katawan tan diad kinen Samuel, iray totoo tan

Exodo 17:11

Legan ya akatagey iray taklay nen Moises, manalo ray Israelita, balet no iyabeba to ra, onggapon manalo ray Amalecita.

Exodo 9:33

Tinaynan nen Moises so ari, pinmaway ed siudad, tan inyatagey to ray lima to diad impanpikasi tod Katawan. Tinmonday karul, saray kristal, tan say oran.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

Lucas 9:6

Sinmiput la sirin ira may disipulo, tan nililiber da ray bario a nampupulong na Maung a Balita tan nampapaabig ed saray mansasakit ed amin a pasen.

2 Samuel 19:19

tan kuanto, “Kagalang kon Ari, ipangasim pan lingwanan mo la may makapoy a ginawak diad samay agew a tinaynan moy Jerusalem. Ag mo la komun ipapakasalanan ed siak; ag mo la komun nununoten.

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Marcos 1:5

Dinmadagon ondengel ed kinen Juan iray amin a taga Judea tan siudad na Jerusalem. Impapatwa ray kasalanan da, tan binibinyagan to ra ed Ilog na Jordan.

Saray Gawgawa 8:24

Inkuanen Simon ed kindi Pedro tan Juan, “Ipikasi yo ak pa sirin ed Katawan, pian anggapod saray imbaga yo so nagawad siak.”

1 Samuel 1:12

Abaybayag a nampikasi tan inimano nen Eli so bibil to.