Santiago 4:9 - Maung A Balita Biblia

⁹ Manermen, manakis, tan mannangis kayo; say panagelek yo salatan yoy pannangis tan say panagliket yo salatan yoy panagermen!

Maung a Balita Biblia

⁹ Manermen, manakis, tan mannangis kayo; say panagelek yo salatan yoy pannangis tan say panagliket yo salatan yoy panagermen!

Santiago 4:9 Referans Kwoze

Mateo 5:4

“Maliket iray maneermen, ta ligliwaen iray Dios!

Probirbio 14:13

Nayarin niamut na elek so ermen. No naandi lay liket, wala lawas so ermen.

Lucas 6:25

“Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Say Libro nen Job 30:31

Nen saman maliket a togtog so narerengel ko, balet natan say tanul na ermen tan akis.

Lucas 6:21

“Maliket kayon narasan natan, ta napesel kayo! Maliket kayon mannangis natan, ta napaliket kayo!

Saray Tagleey 5:15

Naandi lad bilay mi so gayaga; ermen so sinmalat ed saray panagsayaw mi.

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Ecclesiastes 2:2

Asokayan ko a say elek et inkakulang-kulang, tan say liket et anggapoy iiter ton kaabigan.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

Nehemias 8:9

Nen nadngel na saray totoo so labay ya ibaga na Ganggan, atenyeg so puso ra kanyan nanaakis ira. Saray mangipapaliwawa na Ganggan a di Nehemias a gobirnador, Esdras a pari tan iskriba, tan saray Levita, et inkuanda sirin ed amin a totoo, “Masanto yan agew ed Katawan a Dios yo, kanyan ag kayo nepeg a manermen odino onakis.

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”