Santiago 4:6 - Maung A Balita Biblia

⁶ Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

Maung a Balita Biblia

⁶ Balet lalon matalonggaring so tulong ya inter na Dios. Onung na ibabagay Masanton Sulat, Say Dios susumpaen to ray mapaatagey, balet tutulongan to ray mapaabeba.

Santiago 4:6 Referans Kwoze

Mateo 23:12

Say toon mampaatagey ed laman ton dili, napaabeba; say toon mampaabeba, napaatagey.”

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Probirbio 22:4

Igalang moy Katawan tan mampaabeba ka, et nagamuran moy kayamanan, kagalangan, tan andokey a bilay.

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Lucas 1:52

Tinumba to ray makapanyarin ari ed trono ra, tan intanduro to ray mapaabeba.

Probirbio 15:33

Say pangigalang ed Katawan et sakey a pakaaralan. Nepeg a mampaabeba ka kasakbayan a napagalangan ka.

2 Saray Awaran 33:12

Nampaabeba nen maniirap, inmasingger ed Katawan a Dios to, insan kinmerew na tulong.

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

2 Saray Awaran 32:26

Diad kaonuran balet, nampaabeba si Ezekias tan saray totood Jerusalem, kanyan ag dinusa na Katawan iray totoo legan na impanbilay nen Ezekias.

Mateo 13:12

Ta say toon wala to naitdan ni, pian nawalaan na masoluk; balet say anggapo to, naala ni so anggan dagdaiset a walad sikato.

2 Saray Awaran 33:23

Balet ag to inalig si ama ton nampaabeba tan inmasingger ed Katawan; mapalalo niy ginagawa ton kaogsan nen si ama to.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

Santiago 4:10

Mampaabeba kayod arap na Katawan et itanduro to kayo.