Santiago 4:3 - Maung A Balita Biblia

³ Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.

Maung a Balita Biblia

³ Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.

Santiago 4:3 Referans Kwoze

1 Juan 5:14

Mataletalek itayon onaasingger ed Dios, ta amta tayo a dengelen to tayo no onkerew itayod sikato na bengatlan ag onsumpa ed linawa to.

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.

Santiago 4:1

Antoy panlalapway panlalaban tan pankokolkol yo? Ag kasi saray pilalek yon maoges a mansusumpaan ed balang sakey ed sikayo?

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Say Libro nen Job 35:12

Onkekerew iray tulong, balet ag ira ebatan na Dios lapud mapaatagey tan maoges iran totoo.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Lucas 15:13

Kalabas na pigaran agew, inlako to may yogtan so apag to, insan linmad arawin pasen a diman to dinarak so kuarta to diad aliwaliwan panagbilay.

Marcos 10:38

Inkuanen Jesus ed sikara, “Ag yo amtay kekerewen yo. Nayarian yo kasiy oninom ed kupan nepeg kon inoman? Nayarian yo kasiy mampabinyag ed pampabinyagan ko?”

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

Jeremias 11:14

Jeremias, ag ka mampipikasid siak odino ipikasim ed siak ira yan totoo. No nagunigon ira, et onkerew irad siak na tulong, ag ko ra dengelen.”

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Saray Salmo 18:41

Onkekerew ira na tulong, balet anggapoy mangilaban ed sikara; mikakasi rad Katawan, balet ag to ra ebatan.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Lucas 15:30

Balet satan ya anak yo, dinarak to ray amin a kayaryan yo ed marorotak a bibii. Natan ta pinmawil, pinatey yoy pinataban bakan kilaw para sikato!’

1 Saray Arari 3:11

Kanyan kuantod sikato, “Lapud ag ka kinmerew na andokey a bilay, odino kayamanan ya onkanad sikan dili, odino say ipatey na saray kalaban mo, no ag ingen kinmerew ka na kakabatan pian matonung so panoley mo,

Lucas 11:10

Ta naitday siopaman a mikerew; makalmoy siopaman a mananap; tan nalokasay siopaman ya ontoktok.