Santiago 4:12 - Maung A Balita Biblia

¹² Say Dios labat so manangiter na Ganggan, tan sikato met so huis. Sikato labat so nayarin mangilaban, tan manusa. Balet sika—siopa kan manintinsiad kaparam a too?

Maung a Balita Biblia

¹² Say Dios labat so manangiter na Ganggan, tan sikato met so huis. Sikato labat so nayarin mangilaban, tan manusa. Balet sikasiopa kan manintinsiad kaparam a too?

Santiago 4:12 Referans Kwoze

Saray Taga Roma 14:4

Siopa kan manintinsiad aripey arum a too? Say katawan to labat so makapangibaga no sikato kasiy makana o andi. Magmaliw a makana, ta nayarian na Katawan a gawaen ya.

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Say Libro nen Job 38:2

“Siopa kan manduaruwa ed kakabatan ko diad panamegley na saray andi-kakanaan a salitam?

1 Samuel 25:10

tan inmebat a siansiay Nabal ed sikara, “David? Siopa tan a too? Natad sayan panaon, amayamay iray aripen ya ibabatikan da ray amo ra!