Santiago 4:11 - Maung A Balita Biblia

¹¹ Ag kayo mampapaogesan, agagik. Siopamay mampaoges o manintinsiad agi to, paogesen tan sintinsiaan toy Ganggan. No sintinsiaan moy Ganggan, aliwa ka lan mananumpal na Ganggan no ag ta managsintinsiay Ganggan.

Maung a Balita Biblia

¹¹ Ag kayo mampapaogesan, agagik. Siopamay mampaoges o manintinsiad agi to, paogesen tan sintinsiaan toy Ganggan. No sintinsiaan moy Ganggan, aliwa ka lan mananumpal na Ganggan no ag ta managsintinsiay Ganggan.

Santiago 4:11 Referans Kwoze

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Lucas 6:37

“Ag yo sisintinsiaay kapara yon too, pian ag kayo met sintinsiaay Dios. Ag yo dudusaey kapara yon too, pian ag kayo met dusaey Dios. Pirdona yoy kapara yon too, pian pirdonaen kayo met na Dios.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Saray Salmo 140:11

Ag komun manalo iray totoon mangaakusay tila ed kapara ran too; naosilan tan naderal komun na kaogsan iray totoon maruksa.

TAGA-EFESO 4:31

Ekal yo lad bilay yoy sakit na linawa, alabas a pasnuk tan bosul. Ag ki la maneeyagan, mampapaogesan, o maniirapay linawa.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

2 Timoteo 3:3

ag da amtay mangasi tan mangabagey ed kapara ran too, managderal iray kagalangay arum, maruksa tan masebeg ira; bosulen day kamaungan;

1 Timoteo 3:11

Nakaukolan met a say kaasawaan da et maung so ogali ra, aliwa ran managtalabutob, no ag ingen maadya tan matoor ed amin a pamaakaran.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Tito 2:3

Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

Santiago 1:16

Ag kayo patitilaan, inararok iran agagi!

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Santiago 2:8

Maung so gawaen yo no onuren yoy manonan ganggan a walad Masanton Sulat, “Arom so kaparam a too, a singa panangarom ed sikan dili.”

Santiago 5:7

Kanyan, agagik, mananos kayo anggad isabiy Katawan. Imano yoy dumaralus. Aanosan ton maung ya alagdey mabmabli ran bungay dalin a daralusan to, tan say iterter na onaan tan kaonuran ya oran.

Santiago 5:10

Agagi, alig yoy impantetepel tan impanaanos da ray propitan nansalitad ngaray Katawan.