Santiago 4:10 - Maung A Balita Biblia

¹⁰ Mampaabeba kayod arap na Katawan et itanduro to kayo.

Maung a Balita Biblia

¹⁰ Mampaabeba kayod arap na Katawan et itanduro to kayo.

Santiago 4:10 Referans Kwoze

Saray Salmo 147:6

Itatanduro to ray mapaabeba, balet ibabasig tod dalin iray totoon maoges.

Mateo 23:12

Say toon mampaatagey ed laman ton dili, napaabeba; say toon mampaabeba, napaatagey.”

1 Pedro 5:6

Toluk kayo sirin ed pakayariy Dios, pian itanduro to kayo no onsabiy panaon ya inggana to.

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Saray Salmo 113:7

Babangonen ton manlapud dabuk iray mairap-bilay; aagwaten tod kairapan iray walad pankaukolan;

Lucas 1:52

Tinumba to ray makapanyarin ari ed trono ra, tan intanduro to ray mapaabeba.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Saray Salmo 27:6

Kanyan taloen ko ray kalaban kon walad kaliber-liber ko. Mangisaklang ak na saray bagat ed Timplo to a katekep na eyag na liket. Kantaan tan idayew ko so Katawan!

Saray Salmo 30:1

Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Saray Salmo 28:9

Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

1 Samuel 2:7

Pagmaliwen ton mairap-bilay iray arum tan mayaman iray arum; paabebaen tod kipapasen iray arum tan paatageyen to ray arum.

2 Saray Awaran 7:14

no mampikasi ra tan magbabawi rad kasalanan da, tan ibeneg da ray kaogsan a gagawaen da, dengelen ko rad satan ed tawen, pirdonaen ko ray kasalanan da, tan paaligwasen ko lamet so dalin da.

Say Libro nen Job 5:11

Say Dios so mangitanduro ed saray totoon mapaabeba tan diad saray maermen iter toy gayaga.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Ezekiel 21:26

Siak a Katawan a Dios so nansalita. Ekal moy koronam tan say turban mo. Naoman ya amiy bengatla. Itagey mod pakayari iray mairap-bilay! Iyabebam ed kipapasen iray manoley!