Santiago 3:5 - Maung A Balita Biblia

⁵ Ontan met ed dilay too: melmelag a partiy laman, balet nayarian ton ipasirayew iray baleg a bengatla. Nunnunot yo pa labat! Napaliub na melmelag ya apoy so maawang a katakelan.

Maung a Balita Biblia

⁵ Ontan met ed dilay too: melmelag a partiy laman, balet nayarian ton ipasirayew iray baleg a bengatla. Nunnunot yo pa labat! Napaliub na melmelag ya apoy so maawang a katakelan.

Santiago 3:5 Referans Kwoze

Probirbio 18:21

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Saray Salmo 17:10

anggapoy panangasi ra tan mapasirayew iran mansasalita.

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Say Libro nen Job 22:17

Sikara yay totoon angipolisay ed Dios tan inisip dan anggapoy nagawaan tod sikara.

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Saray Salmo 39:1

Inkuanko, “Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.”

Probirbio 26:20

Naerep so apoy no naoput lay kiew; ontonday kolkolan no anggapo lay pantatalabutoban.

Santiago 3:4

Ontan met ed barko: anggaman a balbaleg tan itotolak na mabiskeg a dagem, niwanwan tan napaonla ed anggan iner a pasen a labay na piloto, diad panamegley na melmelag a timon.