Santiago 2:9 - Maung A Balita Biblia

⁹ Balet no walay nilabi ed pangipasen yod totoo mankasalanan kayo tan, onung ed Ganggan, nepeg yoy nadusa.

Maung a Balita Biblia

⁹ Balet no walay nilabi ed pangipasen yod totoo mankasalanan kayo tan, onung ed Ganggan, nepeg yoy nadusa.

Santiago 2:9 Referans Kwoze

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Juan 8:9

Nen nadngel da ya, tinmaynan iran sansakey, manlapud sankamasikenan ed sikara. Atilak a bukor si Jesus tan samay bii a wadman nin manalalagey ed arap nen Jesus.

1 Juan 3:4

Siopamay mankakasalanan susumlangen toy ganggan, ta say kasalanan et say isumlang ed ganggan.

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

Juan 16:8

No onsabi paneknekan tod saray totoo ed sankamundoan so inkalingo ra nipaakar ed kasalanan, kaptekan, tan panagsintinsia.

Juan 8:46

Siopad sikayoy makapaneknek a nankasalanan ak? Akin sirin et ag yo ak sisiaen, anta ibabagak ed sikayoy katwaan?

Judas 1:15

pian sintinsiaan toy amin a katoowan tan dusaen to ray makasalanan lapud maoges iran gawgawa ra, tan lapud saray maoges a sinalita ra sumpad Dios!”

TAGA GALACIA 2:19

No say Ganggan so pantotongtongan, inatey ak la—say dilin Ganggan so amatey ed siak—pian mambilay ak para Dios.

1 CORINTO 14:24

Balet no amin yo et mampulong na salitay Dios, insan onloob so sakey ya ag manisia odino anggapod sikatoy ontan a langkap, nabirbir ton sikatoy makasalanan, nasintinsiaan diad panamegley na amin a narengel to,

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Saray Gawgawa 10:34

Insan nampaliwaway Pedro: “Natan ko la atebek ya anggapoy lalabien na Dios.