Santiago 2:8 - Maung A Balita Biblia

⁸ Maung so gawaen yo no onuren yoy manonan ganggan a walad Masanton Sulat, “Arom so kaparam a too, a singa panangarom ed sikan dili.”

Maung a Balita Biblia

⁸ Maung so gawaen yo no onuren yoy manonan ganggan a walad Masanton Sulat, Arom so kaparam a too, a singa panangaro ed sikan dili.

Santiago 2:8 Referans Kwoze

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

TAGA GALACIA 5:14

Ta natitibokel so amin a Ganggan ed saksakey a ganggan: “Arom so kaparam a too a singa panangarom ed sikan dili.”

Santiago 2:12

Kanyan manalwar kayod saray kagagawa tan pananalita yo, ta totoo kayon nasintinsiaan na ganggan a mangibobolus ed sikatayo.

Mateo 22:39

Say kumadwa a manonan ganggan kaparpara to: ‘Arom so kaparam a too a singa panangarom ed sikan dili.’

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Jonas 4:4

Inmebat so Katawan, “Antoy kanepegan mon mampasnuk?”

2 Saray Arari 7:9

Balet inkuandad balang sakey, “Ag tayo ya nepeg a gawaen! Walad sikatayoy maung a balita; ag tayo nepeg a pokuken ed sikatayon dili. No dia nid kabwasan so pangibalita tayo, andi-saew a nadusa itayo. Ompawil tayo la sirin natan, ta ibaga tayod saray opisyal na ari!”

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

FILIPOS 4:14

Anggaman ontan, agaylay abig na ginawa yo diad intutulong yod kairapan ko.

Mateo 25:23

Inkuanto may amo ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Jonas 4:9

Balet inkuay Dios ed sikato, “Antoy kanepegan mon mampasnuk nipaakar ed samay tanaman?” Inmebat si Jonas, “On, walay kanepegan kon mampasnuk—mampasnuk ya anggan makasengeg la na ipatey ko!”

1 Saray Arari 8:18

balet inkuan na Katawan ed sikara, ‘Maung so impanpilalek mon mamaalagey na timplo a para siak,

Santiago 2:19

Sisiaen mon saksakey so Dios, anto? Maung itan! Saray dimonyo sisiaen da met, tan manggiwgiw ni ra ingen.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 7:12

“Kanyan gawa yod kapara yon totoo so labay yon gawaen da met ed sikayo. Sikato ya so labay ya ibaga na Ganggan nen Moises; sikato ya met so imbabangat da ray propita.”

Saray Taga Roma 13:10

Say toon mangarod kapara ton too et ag manggaway antokaman a kaogsan ed siopaman. Kanyan say pangarod kaparan too panumpal ed Ganggan.

Santiago 4:11

Ag kayo mampapaogesan, agagik. Siopamay mampaoges o manintinsiad agi to, paogesen tan sintinsiaan toy Ganggan. No sintinsiaan moy Ganggan, aliwa ka lan mananumpal na Ganggan no ag ta managsintinsiay Ganggan.