Santiago 2:25 - Maung A Balita Biblia

²⁵ Ontan met ed kinen Rahab, sakey a biin marotak so impanbilay to. Maliket ton pinatuloy iray Israelitan nibaki, tan inturo to ni ingen ed sikara so sananey a dalan pian makabatik ira. Lapud saraman a ginagawa to, nipasen a matonung ed arap na Dios.

Maung a Balita Biblia

²⁵ Ontan met ed kinen Rahab, sakey a biin marotak so impanbilay to. Maliket ton pinatuloy iray Israelitan nibaki, tan inturo to ni ingen ed sikara so sananey a dalan pian makabatik ira. Lapud saraman a ginagawa to, nipasen a matonung ed arap na Dios.

Santiago 2:25 Referans Kwoze

Saray Hebreo 11:31

Lapud pananisia, si Rahab a marotak a bii ag apipatey nen pinapatey da ra may ag tinmoluk ed Dios, lapud mabolbolus so linawa ton angawat ed saray ispia.

Josue 2:15

Si Rahab et manaayam ed abung a nipapeg ed padir na siudad, kanyan inleksab to la rad bintana diad panamegley na lobir.

Josue 2:4

“Wala ran tuay lalakin linma diad abung ko,” ebat nen Rahab, “balet ag ko amta no taga ra iner. Tinmaynan la ra kasakbayan a nikaput so puirtay siudad nen kapansironget. Ag ko amtay nila ra, balet no osilan yo la ran tampol, naabut yo ni ra.” (Si Rahab et pinaonla tod atep na abung ira may duaran ispia tan pinaamut to rad dalem na saray imbobontun tod man a pokepokel na tanaman.)

Josue 6:17

Say siudad tan amin a logan to et nepeg a sigput iran deralen tan ibagat irad Katawan. Si Rahab a marotak a bii tan saray kabyangay pamilya to labat so ag yo didiwiten, lapud inyamut to ray ispia tayo.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Mateo 1:5

Si Salmon so ama nen Booz (si Rahab so ina to); si Booz so ama nen Obed (si Ruth so ina to); si Obed so ama nen Jesse.

Santiago 2:22

Ditan yo nanengneng a nantekep a nankimey so pananisia to tan saray gawa to, tan nagmaliw a nagnap so pananisia to diad panamegley na saray gawa to.

Santiago 2:18

Balet walay mangikuan, “Walay pananisiam, balet wala ray gawak.” Ebat ko met balet, “Ipanengneng mod siak so pananisiam ya anggapoy katekep to ran gawa, tan ipanengneng kod sikay pananisiak diad panamegley da ray gawak.”

Josue 2:16

Inkuantod sikara, “Laka yod kapokdulan ompan narumog kayo na saramay totoo na ari. Amut kid man a taloy agew anggad akapawil la ra. Kayari to sempet ki la.”

Saray Gawgawa 17:7

Si Jason so amatuloy ed sikarad abung to. Amin da susumlangen da ray ganggan na Impirador, ta ibabaga ran walay sakey nin arin manngaray Jesus.”

Santiago 2:24

Ditan yo nanengneng a say too napaandiay kasalanan ed arap na Dios lapud saray gawa to, ya aliwan lapu labat ed pananisia to.