Santiago 2:18 - Maung A Balita Biblia

¹⁸ Balet walay mangikuan, “Walay pananisiam, balet wala ray gawak.” Ebat ko met balet, “Ipanengneng mod siak so pananisiam ya anggapoy katekep to ran gawa, tan ipanengneng kod sikay pananisiak diad panamegley da ray gawak.”

Maung a Balita Biblia

¹⁸ Balet walay mangikuan, Walay pananisiam, balet wala ray gawak. Ebat ko met balet, Ipanengneng mod siak so pananisiam ya anggapoy katekep to ran gawa, tan ipanengneng kod sikay pananisiak diad panamegley da ray gawak.

Santiago 2:18 Referans Kwoze

Santiago 3:13

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

Santiago 2:14

Agagik, antoy nagunggonay toon mangibagan walay pananisia to, balet et ag papaneknekan na saray gawgawa to? Nilaban kasi na onyan pananisia?

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Tito 2:7

Ipanengneng mo diad anggan anton pamaakaran, ya oliran kad maabig iran gawgawa. Nepeg a matoor kad panagbangat mo, tan ag mo gagalaw-galawen.

Saray Taga Roma 14:23

Balet say toon panduaduaruwaan to no maung o marotak so kanen to et siansian kanen to, say Dios sintinsiaan ton nadusa, ta sumlang ed pananisia so gagawaen to. Kasalanan so antokaman a gawan sumlang ed pananisia.

Saray Hebreo 11:31

Lapud pananisia, si Rahab a marotak a bii ag apipatey nen pinapatey da ra may ag tinmoluk ed Dios, lapud mabolbolus so linawa ton angawat ed saray ispia.

Saray Hebreo 11:33

Lapud pananisia, tinatalo da ray nanarian a nilalabanan da. Nanggagawa ray kamaungan, tan naawat da ray insipay Dios. Pinapakopit day sangi na lion,

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

Saray Taga Roma 3:28

Ta malinew lad kanunotan tayo a naandiay kasalanan so too diad panamegley na pananisia tod Cristo, aliwan lapud panangonur tod ibabagay Ganggan.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

Saray Taga Roma 8:1

Kanyan ag la natan nadusa iray totoon mikakasakey ed Cristo Jesus.

Saray Taga Roma 4:6

Onya so labay ya ibaga nen David sanen sinalita ton maliket so toon pinaandi na Dios iray kasalanan to, aliwan lapud saray ginagawa to:

Saray Taga Roma 9:19

Ikuan mod siak pa lagi, “No ontan sirin, akin et tetelen ni na Dios so too? Siopay makasumlang ed labay na Dios?”