Santiago 2:13 - Maung A Balita Biblia

¹³ Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Maung a Balita Biblia

¹³ Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Santiago 2:13 Referans Kwoze

Mateo 5:7

“Maliket iray mapangasi, ta kasian iray Dios!

Mateo 6:15

Balet no ag yo pirdonaen iray mankakasalanan ed sikayo, ag ki met pirdonaen na Ama yon walad tawen.”

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Lucas 6:37

“Ag yo sisintinsiaay kapara yon too, pian ag kayo met sintinsiaay Dios. Ag yo dudusaey kapara yon too, pian ag kayo met dusaey Dios. Pirdona yoy kapara yon too, pian pirdonaen kayo met na Dios.

Saray Salmo 18:25

Matoor ka, Katawan, ed saray matoor ed sika, tan nagnap so inkamaung mod saray totoon ayadyari.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Genesis 42:21

tan inkuan na sakey tan sakey ed sikara, “Nankasalanan itayo ed samay ginawa tayod agi tayo; anengneng tayoy baleg ya irap to nen akikasid sikatayo, balet ag tayo dinengel. Kanyan wala tayo natan ed sayan irap.”

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

2 Saray Awaran 28:11

Dengel yo ak! Agagi yo ra yay adakep yo. Papawil yo la ra, ta no andi dusaen kayo na Katawan diad pasnuk to.”

Probirbio 22:16

No manrigalo kad saray mayaman odino pairapen mo ray mairap-bilay pian onyaman ka, magmaliw ka met ni lamlamang a mairap-bilay.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Saray Huis 5:27

Nipatalimukor si Sisara, insan atumbad saliyan nen Jael. Diad saliyan nen Jael kinmapoy si Sisara; nipatalimukor, tan alokbub; alokbub ed dalin, insan inatey.