Santiago 1:27 - Maung A Balita Biblia

²⁷ Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

Maung a Balita Biblia

²⁷ Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

Santiago 1:27 Referans Kwoze

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

1 Timoteo 5:4

No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Saray Salmo 68:5

Say Dios a manaayam ed masanton Timplo to et aasikasoen to ray olila tan iyaagel to ray bibiin balo.

Mateo 5:8

“Maliket iray malinis so puso ra, ta napinengnengan day Dios!

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

TAGA GALACIA 1:4

Pian nabolus itayod kaogsan a manooley ed sayan panaon, imbagat nen Cristo so bilay to lapud saray kasalanan tayo. Ginawa to ya, onung ed linaway Dios tan Ama tayo.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Saray Salmo 146:9

Iyaagel to ray sangkailin manaayam ed bansa tayo; tutulongan to ray balo tan saray olila, balet iyaakar to ray totoon maoges ed kaderalan da.

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.

TAGA GALACIA 3:11

No ontan sirin, malinew ya anggapoy toon nipasen a matonung ed arap na Dios diad panamegley na Ganggan; ta ibabaga niy Masanton Sulat, “Mambilay diad panamegley na pananisia so toon apirdona ray kasalanan to.”

TAGA-EFESO 2:2

Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Santiago 3:9

Ikakana tin pangigalang ed Katawan tan Ama tayo, tan sikato met so ikakana tayon panayew ed kapara tayon too ya apalsa ed indengan na Dios.

2 Pedro 1:4

Lapud saya, inter tod sikatayo ra may baleg tan mabmablin rigalo ya insipan to, pian lapud sarayan rigalo, napaliisan yoy makaderal a maoges a pilalek a walad panagbilay ed sayan mundo, tan makapinabang kayod inka-Dios to.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.