Santiago 1:25 - Maung A Balita Biblia

²⁵ Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.

Maung a Balita Biblia

²⁵ Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren tobindisionan na Dios itan a too ed gawaen to.

Santiago 1:25 Referans Kwoze

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Juan 13:17

Natan ta amta yo la ra ya, maliket kayo na gawaen yo ra.

1 Pedro 2:16

Bolus kayo, balet ag yo gagawaey inkabolus yo a panakbung na antokaman a kaogsan, no ag ingen mambilay kayon aripey Dios.

Santiago 2:12

Kanyan manalwar kayod saray kagagawa tan pananalita yo, ta totoo kayon nasintinsiaan na ganggan a mangibobolus ed sikatayo.

TAGA GALACIA 5:1

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

1 Timoteo 4:16

Asikasom so sikan dili tan say ibabangat mo. Ituloy mon gawaen ira ya, ta diad panggawam ilaban moy sikan dili tan saray ondengel ed sika.

2 CORINTO 13:5

Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo?—likud labat no ag yo nilabas so pananubok.

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

Probirbio 14:15

Say toon makulang-kulang sisiaen toy amin a bengatla; balet saray totoon walay pakatalus aasikasoen da ray kurang da.

Saray Taga Roma 8:15

Ta say Ispiritu ya inter na Dios ed sikayo et ag to kayo gawaen ya aripen tan pagmaliwen a matakot, no ag ingen pagmaliwen to kayon anak na Dios tan tulongan to itayon ontawag ed Dios na “Ama! Ama mi!”

TAGA GALACIA 2:4

Balet talagan labay a pasegat lawari na saray arum a totoon mankonkuanan ya agagi tan akilimuglimug irad sikami, pian nasiim day kawayangan ya inter nen Cristo Jesus ed sikami. Labay dan paaripen kami,

Juan 8:36

Kanyan no imbolus ki lay Anak, petepeteg a nablus ki la.

Saray Salmo 106:3

Maliket iray ontotoluk ed ganggan to, saray manggagawa lawas na inkatonung.

Puyan 14:13

Insan nadngel koy sakey a bosis a nanlapud tawen a kuanto, “Isulat mo ya: Manlapud natan, maliket iray totoon ompatey a manlilingkur ed Katawan!” “Tua tan,” inkuan na Ispiritu. “Mampainawa la rad saray sagsagput da, ta mimila ed sikaray bunga na impanlilingkur da.”

1 Timoteo 2:15

Balet say bii nilaban diad panamegley na pananak to, no sikatoy mansiansiad pananisia, aro, tan kasantosan a katekep day kasimpitan.

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

Saray Gawgawa 26:22

Balet say Dios tinulongan to ak ya anggad natan, kanyan manalalagey ak a mantatasid anggan siopa, abeba man o atagey so kipapasen to. Say ibabagak anggapoy arum no ag say imbaga na saray propita tan si Moises a nagawa,

Saray Gawgawa 13:43

Kasumpal na impantitipon dad sinagoga, tinmombuk ed kindi Pablo tan Bernabe iray amayamay a Judio tan saray Hintil a naayat ed Judaismo. Nansalita ray apostol ed sikara tan sinimbawa da ran ag ira ontotonda a mambilay onung ed baleg a panangaroy Dios ed sikara.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Gawgawa 2:42

Intuloy day nanaaral ed saray apostol. Akiolup met iran sililiket ed saman ya olupan, tan akinabang irad panagpisag na tinapay, tan diad panagpikasi.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Saray Salmo 119:45

Mambilay ak ed nagnap a kawayangan, ta pampepelengan kon onuren iray bangabangat mo.

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.

1 Samuel 12:14

Maung so kipapasen yo no takotan yoy Katawan a Dios yo, panlingkuran yo, dengelen yo, tan onuren yo ray ganggan to, tan no sikayo tan say ari yo et tumboken yo.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

1 Juan 2:24

Pansiansia yo sirin ed puso yo so salitan nadngel yon nanlapud gapo. No pansiansiaen yoy nadngel yon nanlapud gapo, mansiansia kayo lawas ed Anak tan diad Ama.

COLOSAS 1:23

Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.

Saray Taga Roma 8:2

Ta say ganggay Ispiritu, a mangiiter ed sikatayoy bilay diad panamegley na pikakasakey tid Cristo Jesus, so angibolus ed siak. Kanyan andi ak la ed silong na ganggay kasalanan tan patey.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.