Ruth 4:12 - Maung A Balita Biblia

¹² Saray anak ya iter na Katawan diad panamegley na sayan bii et gawaen da komun so pamilyam a singa pamilya nen Fares, say anak di Juda tan si Tamar.”

Maung a Balita Biblia

¹² Saray anak ya iter na Katawan diad panamegley na sayan bii et gawaen da komun so pamilyam a singa pamilya nen Fares, say anak di Juda tan si Tamar.

Ruth 4:12 Referans Kwoze

Genesis 38:29

Balet ginoyur na samay ogaw so lima to, tan samay agi to la laingen so onaan a pinmaway. Insan inkuanto may manamyanak, “Onya manaya so kapapaway mo!” Kanyan angaranay Fares.

1 Saray Awaran 2:4

Duaray lalakin anak nen Juda ed kinen Tamar a manugang to: di Fares tan Zara.

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.

Mateo 1:3

Si Juda so ama di Fares tan Zara (si Tamar so ina ra); si Fares so ama nen Esrom; si Esrom so ama nen Aram.

Genesis 46:12

si Juda tan saray anak ton lalaki: Er, Onan, Sela, Fares, tan Zara (di Er tan Onan inatey irad Canaan); saray lalakin anak nen Fares et di Hezron tan Hamul;

Ruth 4:18

Sikara yay pamilyan manlapud kinen Fares ya anggad kinen David: Fares, Hezron, Ram, Aminadab, Naason, Salmon, Booz, Obed, Jesse, David.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.