Ruth 3:9 - Maung A Balita Biblia

⁹ Tinepet to, “Siopa ka?” Inmebat, “Siak si Ruth a mugmon aripen mo. Lapud asingger kan kanayon, nepeg moy manayakop ed siak. Kanyan kerewen kon asawaen mo ak.”

Maung a Balita Biblia

⁹ Tinepet to, Siopa ka? Inmebat, Siak si Ruth a mugmon aripen mo. Lapud asingger kan kanayon, nepeg moy manayakop ed siak. Kanyan kerewen kon asawaen mo ak.

Ruth 3:9 Referans Kwoze

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Ruth 2:20

Inkuanen Noemi ed sikato, “Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey.” Intuloy ton inkuan, “Saman a too et kanayon tayo ni. Sikatoy sakey ed saray nepeg a manayakop ed sikata.”

Ruth 3:12

Tua ya asingger ak a kanayon mo, tan nepeg ya asikasoen ta ka; balet wala niy sakey a lakin lalon asingger a kanayon mo nen say siak.

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

1 Samuel 25:41

Dinmakmomoy Abigail ya anggad dalin tan kuanto, “Siak so aripen ton sipaparaan a mangoras ed saray sali na saray aripen to.”

Ruth 3:8

Nen mamepegley labi la, biglan aliing si Booz, pinmigar, tan nikelawan ed impakanengneng tod biin akarokul ed saliyan to.

Ruth 3:10

Inkuanen Booz, “Bindisionan ka komuy Katawan. Say gagawaen mo natan et lalon mangipapanengneng na baleg ya inkatoor mod pamilya nen say ginagawam para katolangan mo, bangta ag ka angayat na lakin malangwer a mayaman o mairap-bilay a mangasawad sika.

Ruth 4:4

et inisip ko a nakaukolan ya ipaamtak ed sika. Natan sirin, no labay mon saliwen, saliw mo diad arap da ra yan totoo ya akayorung dia. Balet no ag mo labay, ibagam, ta say ononan nepeg a manaliw et sika, insan siak.” Inkuan na samay laki, “Saliwen ko.”

Ruth 4:6

Inkuanto may laki, “No ontan, ag ko nagawaay nepeg kon gawaen, ta ompan nadaisetan so tawiren da ray dilin anak ko. Sika lay manggaway nepeg kon gawaen; nayarian mo lan saliwen so alog.”