Ruth 3:14 - Maung A Balita Biblia

¹⁴ Kanyan dinmokul ed saliyan nen Booz anggad kabwasan. Lapud ag labay nen Booz a walay makaamta a si Ruth et nanlapud man ed panagilikan, pinabangon to la nen ambilonget ni pian anggapoy makabirbir ed sikato.

Maung a Balita Biblia

¹⁴ Kanyan dinmokul ed saliyan nen Booz anggad kabwasan. Lapud ag labay nen Booz a walay makaamta a si Ruth et nanlapud man ed panagilikan, pinabangon to la nen ambilonget ni pian anggapoy makabirbir ed sikato.

Ruth 3:14 Referans Kwoze

2 CORINTO 8:21

Say getma mi et say panggaway maptek, aliwan diad pakanengneng na Katawan labat, no ag dia met ed pakanengneng na too.

Saray Taga Roma 14:16

Ag mo aaboluyan a say ipasen mon maung et nasalitan maoges.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

1 TESALONICA 5:22

Arawian yoy amin a klasiy kaogsan.

Saray Taga Roma 12:17

Ag kayo ombabales na maoges ed toon nanggaway maoges ed sikayo. Gawa yoy antokaman ya ipapasen a maung na amin a totoo.

Ecclesiastes 7:1

Say maung a ngaran et magmaung ni nen say mabmablin pabalingit; say agew na ipatey na too et maung ni nen say agew na inkianak to.

Ruth 3:15

Inkuanen Booz ed sikato, “Ekal mo tay kolibemben mo tan ibilkag mo dia.” Ginawa nen Ruth so imbaga nen Booz tan angibales si Booz na duamplo tan duan kilon sibada, insan to impasakbat tod kinen Ruth. Kanyan amawil lay Ruth ed baley.