Ruth 3:12 - Maung A Balita Biblia

¹² Tua ya asingger ak a kanayon mo, tan nepeg ya asikasoen ta ka; balet wala niy sakey a lakin lalon asingger a kanayon mo nen say siak.

Maung a Balita Biblia

¹² Tua ya asingger ak a kanayon mo, tan nepeg ya asikasoen ta ka; balet wala niy sakey a lakin lalon asingger a kanayon mo nen say siak.

Ruth 3:12 Referans Kwoze

Ruth 4:1

Linmay Booz ed pasen a pandadagupay karaklan diad puirtay siudad, tan inmirung diman. Kabebekta, sinmabi may lakin asalita nen Booz ed kinen Ruth, a sikatoy sankaasinggeran a kanayon nen Elimelec. Tinawag nen Booz, “Gala dia, kaaro, ta yorung ka.” Dinmago tan inmirung.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Mateo 7:12

“Kanyan gawa yod kapara yon totoo so labay yon gawaen da met ed sikayo. Sikato ya so labay ya ibaga na Ganggan nen Moises; sikato ya met so imbabangat da ray propita.”

Ruth 3:11

Ag ka mapaga, Ruth. Gawaen koy amin a kerewen mo, ta kabat na amin ya ombaley a masimpit kan bii.

Ruth 3:13

Dia ka nin anggad kabwasan, tan kaimbuas nengnengen ta no gawaen toy kanepegan ton manayakup ed sikan kanayon to. No gawaen to, maung; balet no andi, isipan kod mabilay a Katawan, a gawaen koy kanepegan. Dokul ka sirin tan dia kan anggad kabwasan.”

Ruth 2:20

Inkuanen Noemi ed sikato, “Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey.” Intuloy ton inkuan, “Saman a too et kanayon tayo ni. Sikatoy sakey ed saray nepeg a manayakop ed sikata.”

Ruth 4:4

et inisip ko a nakaukolan ya ipaamtak ed sika. Natan sirin, no labay mon saliwen, saliw mo diad arap da ra yan totoo ya akayorung dia. Balet no ag mo labay, ibagam, ta say ononan nepeg a manaliw et sika, insan siak.” Inkuan na samay laki, “Saliwen ko.”