Ruth 2:9 - Maung A Balita Biblia

⁹ Imanom no iner so panaanian tan ag kad man onaarawi. Binilin ko la ray totook ya ag da ka sigensigenen. No naapgaan ka, lakan oninom ed saray boyug ya anginan day danum.”

Maung a Balita Biblia

⁹ Imanom no iner so panaanian tan ag kad man onaarawi. Binilin ko la ray totook ya ag da ka sigensigenen. No naapgaan ka, lakan oninom ed saray boyug ya anginan day danum.

Ruth 2:9 Referans Kwoze

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

Genesis 20:6

Inmebat so Dios diad panamegley na kogip, “On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

1 CORINTO 7:1

Nipaakar ed saramay bengatlan insulat yo, onyay nayarian kon ibaga: maung ed sakey a laki no ag mangasawa.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.

Saray Salmo 105:15

Inkuanto, “Ag yo didiwiten iray aripen kon pinilik; ag yo papasakitan iray propitak!”

Say Libro nen Job 19:21

Kakaaro ta kayo! Kasian yo ak! Tinomba ak la na Dios.

Ruth 2:8

Insan inkuanen Booz ed kinen Ruth, “Dengel moy ibagak ed sika. Ag ka la oonlad arum ya alog; dia labat so pantortoran mo. Miolup ka lan mantortor ed saray bibii dia.

Ruth 2:10

Dinmakmomon anggad dalin si Ruth. Insan tinepet to, “Akin et ontan lay panangasi tan panangimanom ed siak, anta aliwa ak a taga dia?”