Ruth 2:12 - Maung A Balita Biblia

¹² Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Maung a Balita Biblia

¹² Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!

Ruth 2:12 Referans Kwoze

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Saray Salmo 63:7

ta sika lawas so ontutulong ed siak. Diad silong na saray payak mo mankanta ak lapud liket ko.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 61:4

Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

Saray Hebreo 11:26

Pinabli to niy manirap na kababaingan, lapud Cristo, nen saray kayamanan na Egipto, ta impasakey to ray mata to ed tumang ya onsabi.

1 Samuel 24:19

No naerel na sakey a too so kalaban to, ibolus to kasin ag adiwit? Bindisionan ka komuy Dios lapud ginawam ed siak ed sayan agew!

Ruth 1:16

Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

2 Timoteo 1:18

Iyabuloy komun na Katawan a diad saman ya Agew, nagamuran toy panangasi na Katawan. Kabkabat mon maung no panoy impanlingkur tod siak ed Efeso.

Mateo 6:1

“Manalwar kayo, ta ompan ipanta yod saray totoo so panggagawa yoy kaabigan. No ontay gawaen yo, anggapoy naalagar yon tumang a manlapud Ama yon walad tawen.

Probirbio 23:18

No onyay gawaen mo, maung so pansumpalan mo diad arapen a panaon.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

Ruth 2:11

Inmebat si Booz, “Naamtaan kon amin iray ginagawam para katolangan mo nanlapu lad impatey na asawam. Amtak no panoy impanaynan mod saray atateng mo tan say nianakan mon bansa, tan no panoy impiayam mod saray totoon ag mi ni ra apilimugan nen saman.

Ruth 2:13

Inkuanen Ruth, “Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.”

Ruth 4:15

Inaro ka na manugang mo, tan dakel niy ginawa ton maabig para sika nen saray pitoran anak a lalaki. Et natan initdan to kay apo a mangiter ed sikay balon biskeg tan mangasikasod sika diad inkaakolaw mo.”

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

1 Samuel 24:20

Amtak la natan ya andi-duaruwan manari kad Israel, tan mansiansiay nanarian diad silong na oley mo.