Ruth 1:20 - Maung A Balita Biblia

²⁰ Inmebat si Noemi, “Ag yo ak tatawagen na Noemi. Tawag yo ak la na Mara, ta say Makapanyarin-amin a Dios et makapasinagem a bilay so inter tod siak.

Maung a Balita Biblia

²⁰ Inmebat si Noemi, Ag yo ak tatawagen na Noemi. Tawag yo ak la na Mara, ta say Makapanyarin-amin a Dios et makapasinagem a bilay so inter tod siak.

Ruth 1:20 Referans Kwoze

Say Libro nen Job 6:4

Say Makapanyarin-amin a Dios pinapana to ak; onkakayat ed intiron laman ko so samal. Say Dios imbolus tod siak iray amayamay a panagtaktakot to.

Saray Hebreo 12:11

Diad oras na kadusa tayo, singa ti ya panermenan, aliwan panliketan. Balet kasumpal to, saray apetek na saman a dusa anien day kareenan a bungay matonung a panagbilay.

Isaias 38:13

Sanlabi ak a manayay ed sakit, Singa tetemeken na lion iray pokel ko. Abaloan kon pansasamputen la na Dios so bilay ko.

Saray Salmo 88:15

Nanlapu lad impanogaw ko, maniirap ak tan ngalngali ak ompatey; makapkapoy ak la lapud belat na panagdusam ed siak.

Saray Salmo 73:14

O Dios, impanirap mo ak lawas; kapag kabwasan dinusa mo ak!

Say Libro nen Job 19:6

Nepeg yon amtaen a say Dios so nanggawad sayan kairapan; pinatitan to ak ya inerel.

Say Libro nen Job 5:17

Maliket so toon pepeteken na Dios! Ag mo liliknaen no dusaen to ka.

Say Libro nen Job 11:7

Nayarian mo a sukaiten iray panganggaan na talonggaring tan pakayari na Dios?

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Puyan 21:22

Anggapoy anengneng kon timplo ed samay siudad, ta say Katawan a Dios a Makapanyarin-amin tan say Kordiro so pinagkatimplod man.

Puyan 1:8

“Siak so Alpha tan say Omega,” kuay Katawan a Dios a Makapanyarin-amin, say Dios natan, nen saman, tan say onsabi.

Exodo 15:23

Insan akasabi rad pasen a tatawagen na Mara, balet ampait diman so danum, kanyan ag nayarin inomen. Sikato yay makasengeg a Mara so ngaran to man a pasen.

Say Libro nen Job 9:18

Ngalngali ag to ak paingasen; pait na kairapan ya amin so iiter tod siak.