Puyan 9:3 - Maung A Balita Biblia

³ Pinmaway iray dorun a nanlapud asewek tan kinmayat irad tapew na dalin. Naitdan iray pakayarin singa pakayari na alakdan.

Maung a Balita Biblia

³ Pinmaway iray dorun a nanlapud asewek tan kinmayat irad tapew na dalin. Naitdan iray pakayarin singa pakayari na alakdan.

Puyan 9:3 Referans Kwoze

Puyan 9:5

Nibilin ed saramay dorun ya ag da pateyen ira yan totoo, no ag ta pairapen da ra labat ed loob na limay bulan. Singa ketket na alakdan no ketketen toy too so sakit a liknaen da.

Joel 1:4

Nantotombukan a dinmadapod saray tanaman ed kaalogan iray pigaran grupoy dorun; inooput na arum a grupo iray tanaman a kera-keray sakey a grupo.

Joel 2:25

Ipawil kod sikayo ira may naandid sikayo diad saramay taon ya inaakan na amayamay a dorun iray tanaman yo. Siak so angibakid sikayo ra man ya amayamay a dorun.

Deuteronomio 8:15

Inwanwan to kayon binmeltang ed samay maawang tan makapataktakot a kalawakan a kawalaan na saray nanditan oleg tan alakdan. Diad saman ya amaga tan anggapoy danum a dalin pinapaway tod baton dampay so danum a para sikayo.

1 Saray Arari 12:11

Ambelat so impasakbat ed sikayo nen amak; ambelat niy ipasakbat kod sikayo. Nilatiko kayo nen amak; pekpeken ta kayoy balatyang!’”

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

Lucas 10:19

Dengel kayo! Initdan ta kayoy pakaoley ya onggatin ed saray oleg tan alakdan, tan maneral na amin a pakayari nen Satanas. Anggapoy makarigsod sikayo.

Nahum 3:17

Saray opisyal mo et singa sakey ya olup na amayamay a dorun a pinmepeket ed saray padir diad agew ya ambetebetel so panaon. Balet no ompaway lay agew, ontikyab la ra, tan anggapoy makaamta no iner so nakar da!

Nahum 3:15

Anggan antoy gawaen mo, napoolan ka nin siansia ya anggad ipatey mo odino napatey ka ed bakal. Naandipat kan singa saray tanaman ya inoput na saray dorun. Dinmakerakel kan singa saray dorun!

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Isaias 33:4

Nadopagan tan nasamsam iray kayaryan da.

2 Saray Awaran 10:11

Ambelat so impapasakbat ed sikayo nen amak; ambelat niy ipasakbat kod sikayo. Nilatiko kayo nen amak, pekpeken ta kayoy balatyang!’”

2 Saray Awaran 10:14

Sinalita to may impaikuan na saray mamalangwer a sumisimbawa: “Ambelat so impasakbat ed sikayo nen amak; ambelat niy ipasakbat kod sikayo. Nilatiko to kayo nen amak; pekpeken ta kayoy balatyang!”

Puyan 9:7

Saramay dorun singa ra kabayon akaparaan lan mibakal. Wala ray singa balituk a korona ed olo ra, tan singa lupay too so lupa ra.