Puyan 9:2 - Maung A Balita Biblia

² Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.

Maung a Balita Biblia

² Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.

Puyan 9:2 Referans Kwoze

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Joel 2:2

Sakey ya agew ya ambilonget tan maermen, sakey ya mayemyem tan malorem ya agew. Ondodogpa ray amayamay a dorun a singa ra bilonget ya onkokobut ed kapalandeyan. Ag ni agaway singa onya nen saman, tan ag yan balut nagawa ed arapen a panaon.

Saray Gawgawa 2:19

Manggawa ak na saray milagro diad tawen, tan saray tanda diad tapew na dalin. Dala, apoy, tan makapal ya asewek iray nanengneng,

Joel 2:30

“Diad satan ya agew mangiter ak na saray tanda a nanengneng ed tawen tan diad tapew na dalin; wala so onagos a dala, apoy, tan makapakapal ya asewek.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Puyan 14:11

Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.”

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 9:17

Diad payawar ed siak anengneng ko ray kabayo tan saray akakabayo: asakuban so pagew da na ambalangan singa apoy, asul a singa safiro, tan doyaw a singa asupri. Singa oloy lion so olo da ra may kabayo, tan ompapaway ed sangi ra so apoy, asewek, tan asupri.

Daniel 3:6

Siopamay toon ag ondakmomon mangigalang et ibontuk a tampol ed manliub ya apoy na palbaan.”

Puyan 9:1

Nen sinibuk na kumaliman anghil so trumpita to, anengneng kon apaktak ed dalin so sakey a bitewen a nanlapud tawen, tan naitday tombuk na ag natokur ya abut.

Puyan 9:11

Walay ari ran manooley ed sikara, a sikatoy anghil a mambabantay na ag natokur ya abut. Abadon so ngaran tod salitay Hebreo, Apolion ed salitay Grigo, tan Managderal so kabaliksan to.

Puyan 16:10

Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.