Puyan 9:18 - Maung A Balita Biblia

¹⁸ Sikara yay amatey ed kakatlo na amin a katoowan: say apoy, asewek, tan asupri ya ompapaway irad sangi na saramay kabayo.

Maung a Balita Biblia

¹⁸ Sikara yay amatey ed kakatlo na amin a katoowan: say apoy, asewek, tan asupri ya ompapaway irad sangi na saramay kabayo.

Puyan 9:18 Referans Kwoze

Puyan 9:17

Diad payawar ed siak anengneng ko ray kabayo tan saray akakabayo: asakuban so pagew da na ambalangan singa apoy, asul a singa safiro, tan doyaw a singa asupri. Singa oloy lion so olo da ra may kabayo, tan ompapaway ed sangi ra so apoy, asewek, tan asupri.

Puyan 9:15

Nibolus sirin ira may apatiran anghil a mamatey ed kakatloy amin a katoowan. Akaparaan iran manggawa ed saya diad sayan oras, agew, tan bulan na sayan taon.

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Puyan 8:8

Nen sinibuk na kumadwan anghil so trumpita to, nibantak ed dayat so singa baleg a palandey a napopoolan. Nagmaliw a dala so kakatloy dayat,

Puyan 8:9

inaatey so kakatlo na amin da ray mabilay a pinalsad man, tan aderal-deral so kakatlo na amin da ray barko.

Puyan 8:10

Nen sinibuk na kumatlon anghil so trumpita to, naplag a nanlapud tawen so baleg a bitewen a singa manliub a silew, tan dinmapod kakatlo na amin da ray ilog tan saray sobul.

Puyan 8:11

(“Kapaitan” so ngaran to man a bitewen.) Pinmait so kakatloy amin a danum, tan amayamay so totoon inaatey ed ininom da lapud impait to.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 9:19

Ta say pakayari da ra may kabayo et walad sangi tan ikul da. Singa oleg so ikul da tan walay olo ra tan sikara yay pamairap dad saray totoo.